Umbutho we ANC uthi amanye amalungu alombutho acelumngeni ukusekwa kweqela lethutyana kwiphondo iMpuma Koloni, afuna nje kungabikho zinzo kwi-ANC. Oku kuza emva kokuba unobhala jikelele walombutho kuzwelonke uFikile Mbalula, ebhengeze ngokusesikweni eliqela lethutyana emva kokuphela kwexesha lolawulo lwesigqeba ebesiselulawuleni. Oku kuza emva kokuba lombutho wafeda ukubamba inkomfa yokonyula iinkokheli kweyoKwindla kulo-nyaka. Kwelinye icala, umbutho iMKP uthi uqwalasela iindlela zokomeleza ungenelelo lwesicwangciso sokwenza iinguqu kulombutho, ngaphambi kokubanjwa konyulo loomasipala ngomhla weSine kweyeNkanga kulonyaka. Lombutho uthi oku kuquka ukuguzulwa kwesithethi salombutho uNhlamulo Ndhlela kwisikhundla sakhe. Kungokunje lombutho utyumbe obefudula eyintatheli kwanomhleli weendaba uSifiso Mahlangu njengesithethi o esitsha salombutho.