Ikomishoni yonyulo ezimeleyo i-IEC ithi ixhalabile bubude bexwebhu lokuvota, nanjengoko ingamakhulu emibutho yezopolitiko ebhalisela unyulo loorhulumente basemakhaya kulo nyaka. Ukuzakuthi ga ngoku, yimibutho engamakhulu amahlanu anesibhozo ebonakalise umdla wokuthatha inxaxheba kunyulo lwalo nyaka. Kurhaneleka ukuba eli nani lingonyuka ngamandla xa sekusondele usuku lokuvota. Ingqonyela yale komishoni uMasego Shiburi ithi, abanangxaki nokongezeleka kwenani lemibutho ebhalisayo, ntonje baxhalabile kukuba oku kungaphelisa umdla kubavoti.