Umbuso ufaka kumqulu wenkundla inkqubo yophando ngokusweleka kwabo baziwa ngokuba 
yi-PEBCO 3, kwinkundla ephakamileyo eGqeberha eMpuma Koloni. USipho Samuel Hashe, uQaqawuli Godolozi noTwasile Champion Galela, babengamalungu ombutho i-Port Elizabeth Black Civic Organisation, nowawusoyanyaniswa ne United Democratic Front. Esi sithathu saasweleka ngexesha lengcinezelo emva kokufulathela amakhaya aso ngomhla wesibhozo kuCanzibe ngo 1985. Ukuvulwa koluphando kulandela isigqibo somphathiswa wesebe lezobulungisa nophuhliso lomgaqosiseko, emva kwesiphakamiso sentloko yegunyabantu lezotshutshiso eMpuma Koloni uBarry Madolo.