Namhlanje umphathiswa wesebe lemfundo esisiseko kuzwelonke uSiviwe Gwarube, usungula iphulo elibizwa: Funda Uphumelele National Survery, iFUNS ngamafuphi, nelihlola iziphumo zokufundela ukuqonda kubafundi abakumabanga aphantsi kuzwelonke, ngazo zolishumi elinanye iilwimi zeli ezisemthethweni. Kwilinge lokuqinisekisa ukuba abantwana abafunda uGrade 1 ukuya kutsho kuGrade 3 banesakhono sokufundela ukuqonda phambi kokuba banyukele kuGrade 4, isebe lemfundo esisiseko lisebenzisana noosozilwimi, neengcali zokuqokelela iinkcukacha khon' ukuze babeke umda wokufundela ukuqonda kula mabanga kuzwelonke.