Usodolophu womasipala ombaxa iBuffalo City eMpuma Koloni, uPrincess Faku, ebambisene nabanye abathathi nxaxheba bakhokele Imbizo yoluntu kulomasipala. Ngaphambili, bekucetywe ukuba kubanjwe umngcelele wajikwa ngenxa yeenkxalabo zokhuseleko. Iinjongo zoku kukuthetha-thethana noluntu ngolwaphulomthetho; kuquka ukuthengiswa kweziyobisi, umba wabemi bangaphandle abalapha ngokungekho mthethweni, nempatho-mbi esekezelwe kwisini echaphazela amanina nabantwana. Oku kulandela imingcelele ebibanjiwe ngaphambili nalapho abahlali balommandla bebeqhankqalazela ukuthengiswa kweziyobisi kwindawo ebizwa i-California.