Nanjengoko uMzantsi Africa uzakuqaphela usuku lwamalungelo oluntu ngomso, umba wokufikelela kweenkonzo ezingundoqo eluntwini nenkululeko yezoqoqosho, uzakubaphambili xa kubhiyozelwa olusuku. Abemi beli banezimvo ezahlukileyo ngenkuleko yeli lizwe, kwanokuba ingaba wonke ubani uyaxhamla kulenkululeko kusini na. Kutsha nje amaphondo eli aquka iGauteng, iNtshona Koloni neMpuma Koloni, ajamelene nemingeni yokungafumani manzi acocekileyo, kwaye oku kubonwa njengokunyhashwa kwamalungelo oluntu. Kwelinye icala abasebenzi basezifama namanina nabo baziva ngathi awahlonitshwa amalungelo abo.