Babuyela esikolweni ngokusesikweni namhlanje abafundi bezikolo zoMzantsi Afrika. Isebe lithi lenze kangangoko ukulungiselela abafundi abadala nabatsha. Nangona kunjalo, elisebe belikhe lafumana izigxeko kwingxelo ebikhutshwe yikomishoni yamalungelo oluntu malunga nemeko yezikolo zeli phondo. Le komishoni ithi ezinye izakhiwo zezikolo azikho mgangathweni kwaye zibeka ukhuseleko lwabafundi esichengeni. Ukanti namhlanje, umphathiswa weli sebe uFundile Gade umemelele kwizikolo ukuba ziyeke ukubekela phambili izifundo ezingenzimanga ngenjongo yokwenyusa izinga lokupaselwa nanjengoko oku kubulala ikamva labantwana.