Ikomiti ejongene nemiba yoorhulumente basemakhaya nemicimbi yemveli epalamente, ivakalise inkxalabo emandla ngolibaziseko kunye neempendulo ezingaphelelanga kuMasipala oMbhaxa weNelson Mandela Bay, eMpuma Koloni. Oku kulandela utyelelo lwale komiti yokongamela kunyaka ophelileyo kulomasipala, nalapho yacela amaxwebhu abalulekileyo neengxelo ezicacileyo ukuze yenze umsebenzi wayo wokongamela ngokomgaqo-siseko. Ngaphandle kothethwano oluqhubekayo ukususela ekuqaleni kwalo unyaka kuquka iimbalelwano eziliqela, ikomiti ithi iyasokola ukufumana lamaxwebhu ukuze iqhube nomsebenzi wayo.