Ukungabikho kozinzo phakathi kweqela iANC kunye nombutho wamaKomanisi oMzantsi Afrika, kuzakube kuphambili kwindibano ekhethekileyo yesigqeba esiphezulu seANC namhlanje. Oku kulandela isigqibo sokuzimela ngenkqayi elangeni kweSACP kunyulo loorhulumente basekhaya, nekulindeleke ukuba luqhutywe kulo nyaka. Iingcali zopolitiko zilumkise ngelithi ukuba awusingathwa ngendlela lomba, indibano yanamhlanje ingabonakalisa isiqalo sokuphela kobudlelane obungaphaya kwekhulu leminyaka ubudala obathi bamiselwa ngokusesikweni emva konyaka ka-1990.