Kumiliselwe ngokusesikweni ukusebenza komthetho otsala amanqaku kubaqhubi abophula umthetho wezendlela  i-Administrative Adjudication of Road Traffic Offences, i-AARTO ngamafuphi, kwezinye iindawo zephondo iMpuma Koloni. Ngokwalomthetho abaqhubi behlelwa ngamanqaku rhoqo besophula umthetho wendlela, kwaye oku kungakhokelela ekubeni bajamelane nokunqunyanyiswa kwamaphepha abo okuqhuba. Ukanti ukumiliselwa kwalomthetho kulandela ukuphanza kwelinge lenkundla lombutho woomasipala iSALGA, lokuzama ukuthintela ukumiliselwa kwawo. ISALGA ibibanga ngelithi abanye oomasipala abakakulungeli ukumilisela lomthetho. Sihleli nophuma kwisebe lezothutho eMpuma Koloni uMbaleni Mthembu..