Leyuke layokutsho kumyinge ka-33.7 pesenti iqondo lentswelangqesho eMzantsi Afrika, kwikota yesithathu yalonyaka. Oku kuchaza ukuba lenyuke ngomyinge ka-0.1 pesenti xa kuthelekiswa neqondo elabhengezwa nguStats SA kwikota yesibini. Ezinkcukacha manani zivela kwingxelo yamanani engqesho nentswelangqesho i-Quarterly Labour Force Survey, ekhutshwe leliziko namhlanje, neveze ukuba nangona kudalwe amathuba emisebenzi abalelwa kwikhulu elinanye lamawaka (101 000) phakathi kwenyanga yeKhala neyoMsintsi, kodwa inani labantu abangaphangeliyo likwanyuke ngamashumi alithoba anesixhenxe amawaka (97 000), ukuya kutsho kwi-8.6 yezigidi kwangelixesha linye.