Umongameli uCyril Ramaphosa uthi urhulumente uqwalasela banzi ezinye iindlela zongenelelo ukukhusela abathengi kumaxabiso aphezulu amafutha ezithuthi. Ilitha enye ye petrol ixabisa amashumi amathathu eerandi(30 rand), kulandela ufunqu kumaxabiso amafutha ezithuthi ebutsheni bale nyanga. Kanti ke kusalindeleke ukuba liphinde lenyuke ngemali engaphaya kwe2 rand ixabiso le petrol kwinyanga ezayo. Esenza udliwano ndlebe ne SABC ngethuba kubanjwe ingqungquthela engobunkokheli yesebe lemfundo esisiseko ebizwa iBana Pele Leadership, nebanjelwe eRhawutini, uRamaphosa uthe urhulumente uluqonda kakuhle uxinzelelo oluphantsi kwalo uluntu ngokubangelwa ziindleko ezixhomileyo zokuphila.