Lafras Smit vertel watter interessanthede ons in Desember se naghemel kan sien. Prof. Matie Hoffman beantwoord luisteraarsvrae oor die Meerkat- en SKA-projekte, en die geweldige snelhede waarteen die aarde om sy as draai, terwyl dit terselfdertyd om die son wentel, sowel as rondom die Melkweg teen sowat 1 miljoen km/h. Ons hoor ook van ’n onlangse ontdekking van organiese molekules in yskristalle op Saturnus se maan, Enceladus.

Kyk saam met RSG na die wonders van die hemelruim.

Sterre en Planete

Sterre en planete 30 November 2025

Dr. Stefan Lotz praat oor die ruimteweer, met ‘n fokus op ’n reuse-sonvlekgroep, wat vergelykbaar is in grootte aan die berugte Carrington-gebeurtenis van 1859, wat tans oor die son beweeg.  Professor Matie Hoffman en twee van sy kollegas vertel van die SAASTEC-konferensie wat vanjaar die eerste keer in Bloemfontein gehou is, waar verteenwoordigers van meer as 40 wetenskapsentra vergader het.

Sterre en planete 7 Desember 2025

As jy na samesweringsteorieë luister oor Komeet 3i/ATLAS, nou dat dit weer agter die son herverskyn het, hoor jy stellings dat dit nou “getransformeer” het en nie meer die tipiese profiel van ’n komeet het nie. Dat dit nou vier keer helderder is en die helderheid skielik begin varieer het, dat dit nou radiogolwe en ultravioletlig uitsaai, ensovoorts.  Hiervan word selfs deur ’n Harvard-professor wat  pseudowetenskaplike gedraai het, verkondig!  Om agter die kap van die byl te kom, het ons gaan kers opsteek het by ’n kenner, dr. Nic Erasmus, wat deel is van die ATLAS-projek, om te hoor wat is waarheid en wat is fiksie.

Sterre en planete 23 November 2025

Dit is SALT se 20ste verjaarsdag. Sterre en Planete het by die destydse projekbestuurder, Kobus Meiring, gaan kuier, om meer van hierdie reuse ingenieursprestasie te gaan uitvind. Ons hoor hoe die ingenieurspan gekies is, hoe hulle die ontwerp aangepas het vir Suid-Afrikaanse omstandighede om binne die begroting te bly, en hoe ons die Amerikaners kon leer van gemak! Hoekom is SALT se koepel ’n halfrond, teenoor sy Amerikaanse tweeling met sy vyf-agste-vorm?

Sterre en planete 30 November 2025

In 1 playlist(s)

Sterre en Planete

Social links

Recent clips