SpitstydVyf dekades lank vertel sy al stories wat Suid-Afrikaners laat lag, huil, dink… en onthou. Van die verhoog in Kaapstad as jong skoolmeisie, tot televisie- en filmrolle wat haar een van die land se mees geliefde en gerespekteerde aktrises gemaak het - Vinette Ebrahim se loopbaan is veel meer as net ’n lys rolle. Dit is die verhaal van deursettingsvermoë, waardigheid, oorlewing en ’n liefde vir die kunste wat nooit verdwyn het nie. Sy gesels oor die werklikheid van die Suid-Afrikaanse vermaakbedryf in die 1980’s en 1990’s - ’n tyd waarin diskriminasie teen vroue en bruin akteurs diep gewortel was. Sy vertel openhartig van die ongelyke behandeling wat kunstenaars ervaar het, hoe respek nie altyd vanselfsprekend was nie en hoe sy eenvoudig moes aanhou veg vir haar plek in die bedryf. Sy vertel eerlik hoe kunstenaars van produksie tot produksie moes leef, hoe onseker die inkomste dikwels was en hoe liefde vir die kunste hulle deur moeilike tye gedra het. Sy praat oor 7de Laan, Kelders van Geheime, teater, mentorskap, die veranderinge in die bedryf en oor waarom sy glo dat ware rykdom nie noodwendig in geld lê nie, maar in mense, stories en betekenisvolle werk.
In 1 playlist(s)
Spitstyd
'n Huistoeryprogram met nuus, verkeersverslae, markverslae, sport, groensake, tegnologie en die lekk…Social links
Recent clips
Almal en nog wat: Choral Celebration Network Foundation
12:11
RSG Help: Family Support for Schizophrenia
13:34
Gerrie McPretorius in Skotland
13:46