5 Augustus 2026: Anschen Conradie gesels oor vier nie-fiksie boeke wat sy kan aanbeveel: Graham Coetzer se ZAMA ZAMA, Ryan Blumenthal se TRACE, Dominique Olivier se LESSONS FROM LOSS en BETHULIE: MY LEWE IN DIE KAMP deur Rensche van der Walt. Zirk van den Berg gesels oor sy nuwe roman, MY SKADUWEE LOOP LOS. Johan Myburg praat oor die sogenaamde Booker Dozen, of langlys van 13 boeke wat vir die Bookerprys benoem is. Hy bespreek ook twee klassieke boeke – THE SUN ALSO RISES deur Ernest Hemingway, en JD Salinger se THE CATCHER IN THE RYE.

n Program oor skrywers en digters en die boeke wat hulle skryf.

Skrywers en Boeke

Skrywers en boeke: Nie-fiksie boeke; Zirk van den Berg

29 Julie 2026: ‘n Huldigingsprogram vir die skrywer en aktivis, Bettina Wyngaard, wat op 24 Julie oorlede is. Kerneels Breytenbach, Ingrid Jones, Marni Bonthuys, Fourie Botha, Suzette Myburg, Naomi Bruwer, Hein Willemse, Mercy Kannemeyer en Theo Kemp deel hulle herinneringe aan Bettina, en gesels oor haar bydrae tot die Afrikaanse letterkunde.

Skrywers en boeke: Bettina Wyngaard (1971 – 2026)

22 Julie 2026: Suzette Myburg gesels met die skrywer Allen Grootboom oor sy debuutroman, AS DIE VUUR HUIL. Ilse Salzweddel praat met Anchen Conradie oor twee belangrike boeke wat gemik is op jong kinders. Die een handel oor emosies (MY GEVOELENS DAGBOEK), en die ander een (SKERMSLIM) gee handige raad oor hoe om jou kind in die digitale era aanlyn te beskerm. Johan Myburg het ‘n bydrae waarna jy moet luister as jy na die epiese rolprent, THE ODYSSEY, wil gaan kyk. Hy gesels ook oor topverkoperboeke soos UNRELIABLE NARRATOR deur Araminta Hall. Hy het ook nuus oor Ian McEwan se roman, WHAT WE CAN KNOW, en Arundhati Roy se memoir, MOTHER MARY COMES TO ME.

Skrywers en boeke: Allen Grootboom - AS DIE VUUR HUIL

15 Julie 2026: Ilse Salzwedel gesels met Daniëlla van Heerden oor haar bundel onderhoude met ma’s, DIE HART VAN ‘N MA. Johan Myburg bring hulde aan die Iranese vroueskrywer, Shahrnush Parsipur, en vertel meer oor Tom Stoppard se nalatenskap. Hy het ook nuus oor 'n hele klomp nuwe boeke deur bekende internasionale skrywers waarna jy in die res van die jaar kan uitsien. Jy kan ook luister na ‘n 1995-onderhoud met wyle Jeanne Goosen. Sy is vandeesweek 88 jaar gelede gebore.

Skrywers en boeke: Nie-fiksie boeke; Zirk van den Berg

In 1 playlist(s)

Skrywers en Boeke

Social links

Recent clips