Luister na ‘n huldeblyk oor die digter, skrywer en dramaturg, Pirow Bekker. Hy is onlangs in die ouderdom van 89 jaar oorlede. Jy kan luister hoe sy vrou, kinders en kleinkinders hom as mens en skrywer onthou. Drie van sy voormalige uitgewers (Petrovna Metelerkamp, Martjie Bosman en Jeanette Ferreira) gee ook hulle indrukke van hom. Daar is ook twee argiefonderhoude waarin jy die digter en skrywer self aan die woord kan hoor. Johan Myburg vertel meer oor die Booker-langlys vir 2025, en het nuus oor ‘n nuwe roman uit die pen van die Bookerbekroonde George Saunders.

n Program oor skrywers en digters en die boeke wat hulle skryf.

Skrywers en Boeke

Skrywers en boeke 6 Augustus 2025

Daniël Lötter, skrywer van verskeie nie-fiksie boeke, gesels oor sy debuutroman, WAAR DIE LAMMERS NIE SUIP NIE. Phyllis Green, SARIE se boekeredakteur, gesels oor twee boeke wat sy kan aanbeveel: Christiaan Bakkes se roman SOETDORING IN DIE RUIGTES en THE RIFT – SCAR OF AFRICA, ‘n koffietafelboek deur Shem Compion. Jy kan ook ‘n kort voorlesing hoor uit Christiaan se roman. Kom vind uit watter skrywers is op die kortlys vir LAPA se Jeugromankompetisie. Daar is ook drie internasionale bydraes deur Johan Myburg. Hy vra die vraag of boeke werklik verfilmbaar is, en vertel hoe die Nobelpryswenner Ohran Pamuk oor filmmakers se kreatiewe vryheid voel.  Johan vertel ook meer oor die Amerikaanse aktrise, Viola Davis, se eerste roman, wat sy saam met die bekende James Patterson geskryf het. Jy kan ook meer uitvind oor die biografie van  Gisèle Pelicot, die Franse vrou wie se man haar bedwelm het en deur talle ander mans seksueel laat misbruik het.

Skrywers en boeke 25 Februarie 2026

Februarie word wêreldwyd as die maand van die liefde beskou. Ilse Salzwedel gesels met Chanette Paul, Irma Joubert, Elsa Winckler, Malene Breytenbach, Kristel Loots, Santie van der Merwe, Helene de Kock en Dina Botha oor die plek van romantiese fiksie in Afrikaans.  Johan Myburg praat oor die boeke op die langlys vir die Womens Price for Non-fiction; LOST LAMBS, ‘n aweregse, humoristiese roman wat die boekwêreld aan die gons het; en Cees Noteboom, die Nederlandse skrywer wat onlangs oorlede is.

Skrywers en boeke 18 Februarie 2026

Ilse Salzwedel gesels met Philip de Vos oor sy boek, DIE JAAR TOE DIT GEMMERBIER GEREËN HET. Dié prettige storie word op RSG voorgelees. Elna van der Merwe, die organiseerder van die Stilbaai-boekefees (wat op 27 en 28 Februarie gehou word), vertel waarna boekliefhebbers kan uitsien. Johan Myburg gesels onder andere oor WUTHERING HEIGHTS, wat al beskryf is as die grootste liefdesverhaal van alle tye, se gewildheid. Hy stel jou ook voor aan Megha Majumdar, die wenner van ‘n belangrike Amerikaanse fiksieprys, en vertel meer oor Arturo Pérez-Reverte, ŉ vooraanstaande Spaanse skrywer, se kommer oor die verval van sy taal.

Skrywers en boeke 6 Augustus 2025

In 1 playlist(s)

Skrywers en Boeke

Social links

Recent clips