Die parlement se staande kommitee oor openbare rekeninge, Skoor het aangedui dat daar 'n dringende ondersoek na die finansiële bestuur van die Padongelukke Fonds moet wees. Die besluit is geneem nadat die fonds verkeerde en onvolledige inligting aan Skoor verskaf het oor sy sake. Die voorsitter van Skoor, Songeso Zibi, sê die direksie van die Fonds dink Skoor is 'n grap. Pieter de Bruyn, 'n bedryfsielkundige en medestigter van die Vereniging vir die Beskerming van Padongelukslagoffers (APRAV), wat reeds sedert 2014 as Voorsitter dien, verwelkom die besluit.