Om boerderygemeenskappe veiliger te help maak, is die Agri Securitas Trustfonds in 1999 onder die beskerming van AgriSA gestig. Dié fonds, in samewerking met Idalia Holdings, sal by vanjaar se Nampo Oesdag ‘n nuwe inisiatief bekendstel. Heinrich Victor vertel wat hierdie week met wolpryse gebeur het, en Jaco Kirstein van Suid-Vrystaat Rosestad Brangus vertel van hulle jaarlikse veiling op 14 Mei.

RSG Landbou

RSG Landbou 6 Mei 2025

Tertia Castelyn van Struisbaai vertel van die hoenderrasse waarmee daar by die  Swellendamskou geskou is. Keith Coetzee praat oor die toekoms van die jeugskou in die Noord-Kaap, en een van die organiseerders van die Williston-skou se slaglamkompetisie, Herlus le Roux, vertel hoe dié kompetisie tot veeverbetering in die distrik bydra. Johan van den Berg is terug met landbou-weernuus, en Chris Derksen gesels vleispryse.

RSG Landbou 12 Maart 2026

Het jy geweet gebruikte sampioene kan as veevoer gebruik word? Dr. Klaas-Jan Leeuw van die Landbounavorsingraad is by navorsing hieroor betrokke. Die produksiestelsel wat Stompie Olivier van Hotspot Cattle naby Ventersdorp met sy Boran-stoetkudde gebruik, staan in talle opsigte uit. Dit is veral sy streng seleksiekriteria wat sy stoetkudde in die regte rigting lei. Die Noordwes Departement van Landbou en Landelike Ontwikkeling het verlede week 100 000 dosisse bek-en-klouseer-entstof ontvang. Ons hoor wat die verspreidings- en inentingsplan plan behels.

RSG Landbou 11 Maart 2026

Die landboumaatskappy, BKB, werk die afgelope jaar saam met SA Stamboek om dieregenomika vir Merino-skaapboere meer prakties uitvoerbaar te maak. Isak Staats verduidelik wat hierdie projek behels. ‘n Nuwe geval van Afrika-varkpes is in November 2025 op ‘n plaas in Gauteng aangemeld, en sedertdien het die siekte op ‘n verdere vyf plase voorgekom. Dr. Marlene Louw van die SA Varkprodusente-organisasie praat oor die impak wat dit op die bedryf het, en hoe dit ook die verbruiker raak. Heinrich Victor is op sy pos met die jongste wolmarkverslag.

RSG Landbou 6 Mei 2025

In 1 playlist(s)

RSG Landbou

Social links

Recent clips