Weet jy waarom rubberstewels deesdae nie van rubber gemaak word nie? Cois Viljoen van Gumboots 4 Africa praat oor die gebruik van dié stewels in die landboubedryf, en hoe die gewilde gumboot-danse in Suid-Afrika ontstaan het. Ons plaas die fokus op lusernsaadproewe. Ons het tydens ‘n inligtingsdag op Prieska gaan uitvind hoe word hierdie saad getoets om aan verskillende streke in Suid-Afrika se vereistes te voldoen. Bernard Hoepfner van Agrofors is aan die woord. Moet ook nie ons maandelikse internasionale landbounuus misloop nie. Daar is nuus uit onder meer Oostenryk, Nieu-Seeland en Spanje.

RSG Landbou

RSG Landbou 28 Januarie 2026

Het jy geweet die gewildheid van die kersiepruim neem deesdae toe, hoofsaaklik as gevolg van ‘n maklike eetervaring. Michael Oosthuizen van International Plant Solutions praat oor die oorsprong van dié vrug, en hy vertel hoe die plaaslike produksie daarvan lyk. Talle graanprodusente in die somerreëngebiede hou hulle duime vas vir nog reën. Chris Derksen is oudergewoonte op sy pos met die week se vleispryse.

RSG Landbou 29 Januarie 2026

Hoe lyk die nuwe-generasie boer? Dis die fokus van TLU SA se jongboerkonferensie wat op 14 Maart plaasvind. Clemens Senekal vertel ons meer, en praat oor die kriteria van dié organisasie se Jongboer van die Jaar-kompetisie. Heinrich Victor is terug met die jongste wolpryse. Thabo van Zyl van Thuso Bonsmara in die Wesselsbron-omgewing vertel van hulle uitverkoping van hulle kudde op 12 Februarie.

RSG Landbou 27 Januarie 2026

In weerwil van damvlakke in die Oos-Kaap wat daal, en droogte wat ernstige uitdagings vir veral melkprodusente in die kusstreke inhou, was die oostelike deel van dié provinsie lanklaas so mooi. Só sê Peter Cloete van Agri Oos-Kaap. Hy gesels ook oor bek-en-klouseer, vrugte-uitvoere en ander landbouverwante kwessies. Lede van die rooivleiswaardeketting praat op 4 en 5 Maart met navorsers van die Noordwes-Universiteit oor kwessies soos voeding, biosekuriteit, genetika en marktoegang. Het jy geweet die Dexter is een van die kleinste beesrasse, maar staan glad nie terug as dit kom by vleisproduksie nie? Davis Dexters van Delmas hou op 14 Februarie veiling, en Gert Davis vertel van die diere wat op aanbod sal wees.

RSG Landbou 28 Januarie 2026

In 1 playlist(s)

RSG Landbou

Social links

Recent clips