Op en WakkerTesourie draai geldkrane van 75 munisipaliteite styf toe
Minstens 75 munisipaliteite is kniediep in die moeilikheid nadat hulle toelaes van die nasionale tesourie opgeskort is. Hierdie munisipaliteite word gedwing om dringend bewyse te lewer dat hulle skuld betaal, dienste lewer en begrotingsplanne volg. As hulle dit nie doen nie, sal die geldkrane styf toegedraai bly, en inwoners sal uiteindelik die prys daarvoor betaal. Ons praat met dr. Harlan Cloete, ’n kenner van plaaslike regeerkunde, verbonde aan die Universiteit van die Vrystaat.
