Bedrog kan met enigiemand gebeur. Swendelaars wag nie vir iemand van ’n spesifieke ouderdom of lewensfase nie. Hulle pas bloot hulle taktiek aan volgens waar jy in die lewe staan. Of jy nou studeer, ’n gesin begin, jou loopbaan bou, of afgetree is, hulle gebruik dringendheid, emosie en digitale truuks om jou inligting of geld te steel. Ons kyk na die bedreigings wat mense in verskillende lewensfases tref saam met Jean Rossouw, Capitec se hoof van finansiële geletterdheid, en Nick Harris, die hoof van die afdeling wat op finansiële misdaad fokus.