Suid-Afrikaanse rooibos kry ’n groot hupstoot op die wêreldverhoog met tariefvrye toegang tot China – die grootste teemark op aarde. Vir plaaslike produsente beteken dit nie net beter pryse en groter volumes nie, maar ook ’n kans om rooibos aan miljoene nuwe verbruikers bekend te stel. En ja, die Chinese drink ook tee soos die Britte en die Suid-Afrikaners, maar hulle begin al hoe meer soek na gehalte-opsies. Ons praat met Adele du Toit, woordvoerder van die Suid-Afrikaanse Rooibosraad.