Tieners leer nog hoe om hulle hormone en wisselende emosies te hanteer, deur by veranderinge te probeer aanpas. Hoe kan hierdie fase hanteer word deur jongmense en ander wat met hulle in aanraking kom? Tieners kry raad oor hoe om hulle wisselende emosies te hanteer by kliniese sielkundige James Brown.

Ons praat dit uit 22 Februarie 2026

'n Gesonde selfbeeld en aanvaarding van jou voorkoms is belangrik vir jongmense se emosionele welsyn, en uiteindelik volwasse rol in die samelewing. Hoekom is ek nie so slim soos daardie een nie? Waarom het ek soveel vlekke en puisies op my gesig? Hoe kan hierdie veranderinge hanteer word? Dr. Gustav Gous gee raad aan tieners oor hoe om hulle selfbeeld en voorkoms te hanteer.

Ons praat dit uit 15 Februarie 2026

Tiener-wees kan opgesom word in twee woorde: massiewe verandering. Adolessensie, die tydperk tussen die aanvang van puberteit en volwassenheid, bring ingrypende biologiese, neurologiese, emosionele en sosiale verandering mee. Hoe moet al hierdie veranderinge hanteer word? Tieners en hulle ouers kry raad oor hoe om verandering in hulle lewe te hanteer by dr. Jan Botha.

Ons praat dit uit 8 Februarie 2026

Een van die grootste probleme waarmee jongmense sukkel, is liefdesverhoudings. Hoe hanteer ek my gevoelens vir die teenoorgestelde geslag? Wat maak ek as ek afgesê word? Wanneer weet ek dis kalwerliefde of regte liefde? Tieners en hulle ouers kry raad oor hoe om liefdesverhoudings te hanteer by pastoor Henning van der Walt.

Ons praat dit uit 1 Februarie 2026

Volgens die jongste statistiek sterf gemiddeld 23 tieners per dag in Suid-Afrika aan selfdood, en kinders so jonk as 6 tot 8 jaar neem ook hulle eie lewens. Nie alle selfdoodpogings lei egter tot die dood nie. In werklikheid beteken dit nie altyd dat die jongmens wil sterf nie. Die poging daartoe kan ook ’n uitroep om hulp wees. Ons praat met ds. Ian Dubery oor waarom jongmense selfdood oorweeg, en hoe om ‘n depressiewe kind te help.

Ons praat dit uit 25 Januarie 2026

Die gebruik van dwelms in Suid-Afrika is twee keer so hoog as in die wêreld. Sowat 15% van Suid-Afrikaners het ’n dwelmprobleem. Sestig persent van alle misdaad wat in Suid-Afrika plaasvind, is verwant aan dwelmmisbruik. Die sekretaris-generaal van die VN, Kofi Annan, sê dwelms skeur ons gemeenskappe uitmekaar, dra by tot misdaad, versprei siektes soos Vigs, en vernietig die jeug en ons toekoms.

Ons praat dit uit 18 Januarie 2026

Daar word beraam dat sowat 50% van alle skoolkinders die een of ander tyd deur iemand geboelie word. Dit kan gebeur deur die ander persoon te dreig, seer te maak, te verkleineer, te vloek, rassistiese aanmerkings te maak, of om afbrekende boodskappe via 'n selfoon of e-pos te stuur. Ons praat met dr. Rodney Seale oor die oorsake, gevolge en voorkoming van boeliegedrag.

Ons praat dit uit 11 Januarie 2026

Internasionale studies het gevind dat bykans 75% van Christen-jongmense die kerk ná hoërskool verlaat. Een van die hoofredes wat aangevoer word, is intellektuele skeptisisme, en dat hulle nie altyd daar tuis voel nie. Wat kan die kerke hieraan doen?

Ons praat dit uit 4 Januarie 2026

Ons fokus op die probleme waarmee jongmense worstel, soos dwelms, boeliegedrag, selfdoodgedagtes, liefdesprobleme, en verwerping.

<p>Ons fokus op die probleme waarmee jongmense worstel, soos dwelms, boeliegedrag, selfdoodgedagtes, liefdesprobleme, en verwerping.</p>

Ons praat dit uit

Social links:

8 clip(s)