Barend en Wilma word op Blouberg se strand beroof, en bevind hulleself sonder geld of motor. Jolene vra vir Manie of sy pa Sammy by hom kan oorbly, aangesien die huis nog in Sammy se naam is. Barend en Wilma probeer haar bakkie opspoor, en besef hulle sal langer in Kaapstad moet aanbly.

'n Radiovervolgverhaal wat jou verbeelding vrye teuels gee.

Middagvervolgverhaal

AS DIE HADIDA ROEP deur Charles J. Fourie - Episode 10

Ná Liefie se groot gyselaarsdrama en die broeis pikkewyn, besluit Suzette genoeg is genoeg. Sy pak haar tasse om huis toe te gaan. Die vakansie is verby! Dries is raadop, want hy wil graag langer bly. Ansie kom tot almal se redding, en spring dadelik aan die werk. Die groepie beplan om vir Suzette te bederf met ‘n aand van uiteet, ‘n borrelbad en mooi musiek. Ansie en Suzette deel ‘n spesiale oomblik, Suzette deel ‘n diep geheim en vrees met Ansie. Ansie verstaan vir die eerste keer hoe Suzette voel. Die aand word afgesluit met kraakvel-geelstert, ‘n selfgemaakte borrelbad, sjampanje en Ansie se geheime sousie.

BOKKOMS VIR BRÊKVIS deur Ilne Fourie - Episode 17

Henk merk op dat sy ma en pa die seevakansie geniet, en dat sy pa vir die eerste keer werklik ontspan.  Dries droom oor ‘n huisie by die see, en begin al hoe meer aan die gedagte te herkou om dalk ‘n familievakansiehuis vir die Du Toits en die Louws te koop. Selfs Suzette het ‘n drastiese ommeswaai, en gaan stap selfs met Liefie op die strand en dra vir die eerste keer in haar lewe plakkies. Ongelukkig is die rus en vrede van korte duur. Liefie beland in ‘n broeis pikkewyn se nes, en Operasie Liefie word gelanseer. Dries besef Suzette is dalk nie heeltemal uitgeknip vir die kampleefstyl nie, en sy drome oor ‘n vakansiehuisie by die see is verpletter.

BOKKOMS VIR BRÊKVIS deur Ilne Fourie - Episode 16

Dit is die eerste dag van die jaar, en die kampeerders skop dit af met Dollie se Louw-tradisie. Sy boot, Skommel, word gehaak vir ‘n dag op die water, braai en visvang. Henk is glad nie te vinde om douvoordag op die oop see te gaan ronddobber nie. Ansie stel hom gerus dat hy net helderkleurige swembroeke moet dra om nie haaikos te word nie. Henk is angsbevange en gooi jakkalsdraaie om so ver moontlik van Skommel of diepseegevaartes af te kan bly. Dollie se hart bars van trots wanneer hy vir Henk vertel dat hy nog al die jare gehoop het Ansie katrol vir haar ‘n bobaas visserman uit! Henk speel oop kaarte, en vertel skaam dat hy alles behalwe ‘n visserman is.

AS DIE HADIDA ROEP deur Charles J. Fourie - Episode 10

In 1 playlist(s)

Middagvervolgverhaal

Social links

Recent clips