ബംഗ്ലദേശിൽ ജനാധിപത്യം തിരിച്ചെത്തി എന്നതാണ് രാജ്യാന്തരതലത്തിൽ ഈ ആഴ്ചയിലെ പ്രധാന സംഭവങ്ങളിൽ ഒന്ന്. ബംഗ്ലദേശിന്റെ പുതിയ പ്രധാനമന്ത്രിയായി താരിഖ് റഹ്മാൻ അധികാരമേറ്റു. മുൻ പ്രസിഡന്റ് സിയാവുർ റഹ്മാന്റെയും മുൻ പ്രധാനമന്ത്രി ഖാലിദ സിയയുടെയും മകനും ബംഗ്ലദേശ് നാഷനലിസ്റ്റ് പാർട്ടി അധ്യക്ഷനുമായ റഹ്മാൻ പാർലമെന്റ് സൗത്ത് പ്ലാസയിൽ നടന്ന ചടങ്ങിലാണ് സത്യപ്രതിജ്ഞ ചെയ്തത്. 25 മന്ത്രിമാരും 24 സഹമന്ത്രിമാരും റഹ്മാനൊപ്പം സത്യപ്രതിജ്ഞ ചെയ്തു. 25 മന്ത്രിമാരിൽ 9 പേർ ഖാലിദ സിയയുടെ മന്ത്രിസഭകളിലുണ്ടായിരുന്നവരാണ്. വിശദമായി കേൾക്കാം വാർത്താനേരം പോഡ്കാസ്റ്റിൽ. റിപ്പോർട്ട്, വിവരണം: ബാലു സുധാകരൻ