Hy is een van ‘n paar Suid-Afrikaners wat verskeie Grammy-toekennings op sy kerfstok het. Hy het al intieme konserte vir wêreldleiers gegee, en 'n hele paar keer voor 'n vol Carnegie Hall in New York gespeel. Wouter Kellerman is 'n Suid-Afrikaner wat onder miljoene mense wêreldwyd bekend en geliefd is. Wouter het land en sand met Pieter Steyn gesels oor sy Grammytoekennings, sy loopbaan as ingenieur, enkelouerskap, waarom hy uit die NG Kerk geskop is, internasionale roem, en die moord op sy pa.