Party mense pak ’n tas en gaan die wêreld in om iets te sien. Ander mense neem iets saam, wat die wêreld nog lank daarna laat kyk. Stefanus Nel is ’n kunstenaar wat sy kuns ver buite Suid-Afrika laat praat –  tot in plekke soos Guatemala, waar een van sy sketse glo vir ’n versteende blaar verruil is. Ons hoor meer oor die man agter die kuns, sy reise, sy inspirasie en wat gebeur wanneer jou werk ’n lewe van sy eie begin lei.

Intussen

Intussen met Eloise

Sterskieter: Stefanus Nel

Loslitdag is veel meer as net ’n dag waarop Suid-Afrikaners ’n plakker opsit en ’n bietjie meer gemaklik aantrek. Dit is ’n veldtog wat al langer as drie dekades bewusmaking skep en geld insamel om persone met gestremdhede en organisasies regoor die land te ondersteun. Sedert 1994 is meer as R475 miljoen  ingesamel! Op 4 September is dit weer Loslitdag, en vanjaar se veldtog wil Suid-Afrikaners opnuut herinner aan die belang van inklusiwiteit en om ruimte te maak vir elke persoon se unieke bydrae. Ons gesels met Therina Wentzel-du Toit, nasionale direkteur van die Nasionale Raad van en vir Persone met Gestremdhede, oor vanjaar se veldtog en wat hulle hoop Suid-Afrikaners daarvan sal onthou.

Loslitdag 2026

Die vrieskas is baie mense se geheime wapen teen kosvermorsing. Daardie ekstra porsie kos, die vleis wat jy op uitverkoping gekoop het, of die brood wat jy nie betyds gaan gebruik nie – die vrieskas gee kos ’n tweede kans. Maar daar is ook reëls. Ons gesels met Annelien Pienaar, ‘n skrywer en voedselveiligheidskonsultant, oor hoe om reg te vries, en veral hoe om veilig te ontdooi, want hoewel vries bakterieë se groei vertraag, beteken dit nie dat enige kos vir altyd veilig bly nie.

Voedselveiligheid: Vries slim, ontdooi veilig

Wanneer ’n ouer ’n kind aan selfdood verloor, verander die lewe onherroeplik. Dit is ’n pad van hartseer, vrae en rou, maar ook een waaruit jy ander waardevolle insigte kan put. Ons praat met dr. Ansie Gous, wat saam met haar man, ds. Henk Gous, hierdie verlies beleef het. Hulle het later hulle verhaal in ’n boek gedeel. Sy deel haar ervaring, en wat sy wens meer mense oor selfdood en emosionele worsteling kon verstaan. Sy gesels oor hoe families, vriende en gemeenskappe mense wat swaarkry beter kan ondersteun. Sy praat ook oor hoop ná verlies, en hoe ’n mens weer betekenis kan vind, selfs nadat jou lewe deur selfdood geraak is.

Sterskieter: Stefanus Nel

In 1 playlist(s)

Intussen met Eloise

Social links

Recent clips