Zochitika (Chinyanja)

Anthu ena mdziko la Malawi akufuna kuti mabungwe ndi nthambi zina za boma zikhale zoyima pa zokha kuti boma lisamalowelere pa kagwilidwe ka ntchito zawo pamene ena akufuna kuti bungwe loyendetsa chisankho la MEC likhale loyima pa lokha. Jayne Chilimampunga wabwela ndi nkhani yonse 

Boma la Mozambique lakhwimitsa chitetezo cha mankhwala ndi makatemela ochokela kunja. Bright Sonjela akulongosola zonse

Loya komanso womenyera ufulu wa anthu, a Linda Kasonde, a Brebner Changala ndi bungwe la LCK Freedom Foundation, apereka petition kapeni kuti chikalata ku Constitutional Court mdziko la Zambia, kupempha khotili kuti lilamule kuti pakhale chisankho china cha President, ponena kuti chisankho cha pa 13 August 2026 sichinayende mwa chilungamo pamene chikonzekero chakulumbiritsa President Hakainde Hichilema pa 1 September 2026 chafika pa chimake. Daniel Elisha Banda akulongosola.

Akatswiri omwe amayankhulapo zochitika zosiyana-siyana mdziko la Malawi, ati mzovetsa chisoni kuti adindo alephera kuteteza ndalama zomwe zabedwa ku company yowona za mafuta agalimoto ya NOCMA zokwana K700 million. Kondwani Nyamasauka ali ndi nkhani yonse.

Akatswiri a za malamulo ambiri ku Uganda atsutsana ndi zomwe zachitika ku bwalo lamilandu la likulu ku Uganda pomwe maloya oyimira mulandu nkhalakale pandale a Kizza Besigye ndi anzawo a Obed Lutale anena kuti asiya kuwayimira iwowa pa mulandu wawo.Awiriwa akuyankha mulandu ofuna kulanda boma ladziko la Uganda ku khothi lalikulu ku Kampala.Mtolankhani wa Channel Africa  ku m’mawa kwa Africa Alfred Dzaoneni ali ndi zambiri.

Makhothi onse m’dziko la Zambia atsekedwa ndipo akuyang’aniridwa ndi asilikali, pomwe lero pa 24 August 2026  ndi tsiku lomaliza loti mtsogoleri wa Tonse Pamodzi Alliance, Brian Mundubile, apereke patition kapena kalata yotsutsa zotsatira za chisankho cha pa 13 August 2026. Zimenezi zachititsa kuti mabungwe angapo omenyera ufulu wa anthu atsutse zomwe boma lachita, ponena kuti kutsekedwa kwa makhothi komanso kuyang’aniridwa kwawo ndi asilikali ndikupondereza maufulu a anthu. Mada Phiri wamva zambiri kuchokela kwa Daniel Elisha Banda mtolankhani wa Channel Africa mdziko la Zambia.  

Ntchito yothandiza anamwino 500 a mdziko la Malawi kuti akagwile ntchito ku Israel  chaka chino, yafika ku mapeto pamene mazana mazana anamwino omwe analamaliza maphunzilo awo sakugwila ntchito Ku Malawi. George Mhango wabwela ndi nkhani yonse

Mzika zina za dziko la Zambia  zomwe zikukhala mdziko la South Africa zati masankho omwe anachitika sabata yatha mdzikolo akukhudza tsogolo la mabanja awo, chuma cha dziko, komanso chiyembekezo cha moyo wabwino. Channel Africa yacheza ndi zina mwa nzikazi mu mzinda wa Johannesburg mdziko la South Africa, ndipo Alex Nkhuku ali ndi zambiri.

Apolisi ndi asilikali akupitilira kufufuza anthu amene anasowa pangozi ya boti pa Nyanja ya Kariba mdziko la Zimbabwe lachiwiri sabata yatha pamene chiwelengelo cha anthu omwalira chafika pa 92. John Kassim akulongosola zonse.

Pulezidenti Hakainde Hichilema wayamikira anthu onse a ku Zambia, kuphatikizapo amene anamuvotera komanso amene sanamuvotere, potsindika kuti aliyense ali ndi ufulu wosankha mtsogoleri amene akumufuna.Malinga ndi zotsatira za masankho zomwe zalengezedwa ndi bungwe loyendetsa zisankho la ECZ,a  Hichilema apeza mavoti oposa 2.97 million pamene a Brian Mundubile apeza mavoti oposa 1.86 miliyoni. Nkhani yonse ili ndi Daniel Elisha Banda.

 Bungwe lowona za mayeso mdziko la Malawi la Maneb latulutsa zotsatila za mayeso a standadi  8 ndi fomu 2. Jayne Chilimampunga wabwela ndi nkhaniyi

Polisi ya dziko la Zambia yagwira akuluakulu  khumi ndi m’modzi 11 azipani zotsutsa za mgwirizano wa Tonse Alliance pambuyo pakupezeka ndi zida za nkhondo zoopsya. Mkulu wa zipanizi ndi a Brian Mundubile amene akutengako mbali ku masankho a President. Pakati pa wogwidwawa pali mpongozi wa malemu Edgar Chagwa Lungu, a Patrick Mwansa. Mlembi wa cabinet ya boma. A Patrick Kangwa ndi amene alengeza nkhaniyi ku mtundu wa Zambia. Daniel Elisha Banda ali ndi nkhani yonse.

Bungwe lowona za mayeso mdziko la Malawi la Maneb latulutsa zotsatila za mayeso a standadi  8 ndi fomu 2. Jayne Chilimampunga wabwela ndi nkhaniyi..

Polisi ya dziko la Zambia yagwira akuluakulu  khumi ndi m’modzi 11 azipani zotsutsa za mgwirizano wa Tonse Alliance pambuyo pakupezeka ndi zida za nkhondo zoopsya. Mkulu wa zipanizi ndi a Brian Mundubile amene akutengako mbali ku masankho a President. Pakati pa wogwidwawa pali mpongozi wa malemu Edgar Chagwa Lungu, a Patrick Mwansa. Mlembi wa cabinet ya boma. A Patrick Kangwa ndi amene alengeza nkhaniyi ku mtundu wa Zambia. Daniel Elisha Banda ali ndi nkhani yonse.

Nzika za Zambia lero zaponya voti yakusankha mtsogoleri wa dziko, aphungu a Nyumba ya Malamulo, ma Mayor komanso makhansala. Koma pamene anthu ena  agwiritsa ntchito ufulu wawo wovota, mavuto angapo apezeka m'malo ena oponyera voti, kuphatikizapo kuchedwa kutsegulidwa kwa malo komanso kusapezeka kwa mayina a anthu ena pa m’ndandanda wa ovota. Daniel Elisha Banda akulongosola.  

Bungwe la DODMA  lero lamaliza kutenga mzika za Malawi zomwe zinathamangitsidwa  ku South Africa chifukwa chokhala mdzikolo opanda zikalata. George Mhango walankhula ndi mneleli wa bungweli mayi Lucy Bandanzi.

Achinyamata a ku midzi yomwe ili Ku mpoto Kwa dziko la Mozambique Nampula,Niassa ndi Cabo Delegado apindula Ndi projecti ya chitukuko ya Moz Community. Bright Sonjela akulongosola zambiri.

Pamene kwatsala masiku awiri kuti dziko la Zambia lichite masankho apatatu pa 13 August 2026, Bungwe  lomwe limawona za ufulu wa anthu pa dziko la Amnesty International,lachenjeza kuti dzikol kuti likubwerera m’mbuyo pa nkhani ya ufulu wa anthu, Bungweli likudzudzula zomwe likuti ndi kuponderezedwa kwa ufulu wolankhula, kusonkhana komanso mawu otsutsa boma. Koma chipani cholamula cha UPND chikukana zimenezi , ponena kuti ripoti la Amnesty silikusonyeza zomwe zikuchitika m’dzikolo. Daniel Elisha Banda ali ndi nkhani yonse.

Gulu lomaliza la a Malawi amene  anathawa ziwawa ku South Africa lifika ku malawi lachisanu sabata ino pamene boma lalengeza kuti imaliza ntchito yotenga anthu ku South Africa lachitatu sabata ino.George Mhango akusimba.

Mabungwe ena omenyela ma ufulu a anthu mdziko la South Africa, anayenda ndawala munzinda wa Johannesburg mdziko la South Africa , kukapeleka chikalata chama dandaulo ku office ya mkulu wanzindawu, pamene akufuna kuti malamulo ena amdzikolo asinthidwe komaso nchitidwe opangila nkhanza anthu obwela mdzikolo uthe.Mabungwe ena anayenda ndawala mu Jhb kudana ndi nkhanza kwa obwela.

Mtsogoleri wa dziko la Zambia Hakainde Hichilema, wadzudzula ziwawa za ndale zomwe zikuchitika m'madela ena a mdzikolo komanso salora kuti anthu azinzuzidwa ndi kuchitidwa nkhanza chifukwa cha ndale ndipo yemwe apezeke akutelo, lamulo lizigwila ntchito pa iye . Ziyenela Zimba wadza ndi zambiri

Mabungwe   omenyela ufulu anthu mdziko la Zimbabwe, adandaula kuti boma likuphwanya  ma ufulu a anthu pamene anthu ena anamangidwa lachisanu sabata yatha chifukwa chofuna kuchita zionetselo. John Kassim akulongosola zonse

Dziko la Malawi likukumbukila nawo sabata yolimbikitsa amayi kuyamwitsa ana komanso mwa kathithi ndi cholinga chokuti ana azikula mwa thanzi pamene mayiko pa dziko lonse la pansi akukumbukila sabatayi . Jayne Chilimampunga ali ndi zambiri za nkhaniyi.

Pamene ngozi komanso kuonongeka kwa katundu wa mu misewu ikulu ikulu kwafika poonjeza mdziko la Malawi, spikala wa nyumba yamalamulo mdzikolo wapempha aphungu kuti akhazikitse lamulo lokhwimitsa zilango kwa anthu omwe amayendetsa galimoto ataledzera  ndi kugwetsa mapolo amagetsi amunsewo azikonza okha zinthuzi. Kondwani Nyamasauka wadza ndi zambiri mu report ili

Mayiko a Mozambique, Tanzania ndi Malawi, amaliza ntchito yokhazikitsa nthambi ya Rovuma River Basin yomwe iziyendetsa ndondomeko zakagwilitsidwe ntchito ka mitsinje ndi  nyanja zomwe mayikowa amagawana. Bright Sonjela ali ndi nkhani yonse

Mkulu wa bungwe la CDEDI  mdziko la Malawi a Sylvester Namiwa awapatsa  milandu iwiri , yofuna kulanda  boma mwa upandu ndi kugawa uthenga wabodza. A Namiwa pakali pano akusungidwa ku ndende ya Maula pamene akuyembekezela kuti apatsidwe belo. George Mhango wabwela ndi nkhaniyi

Mapepala oponyela voti afika mdziko la Zambia kuchokela ku Dubai  mdziko la United Arab Emirates komwe amatsindikizidwa. Bungwe loyendetsa masankho la Zambia Electoral Commission( ECZ),  linalandila dzulo makatoni akulu kwambiri  kapena kuti ma paleti okwana 202 ndipo lero  lalandila ena okwana 185 lero pokonzekela masankho a pa 13 mwezi wa m'mawa.Ziyenela Zimba akufotokoza zonse.

Mchitidwe   wa umathanyula wakwera kwambiri ku dziko la Malawi maka kwa achinyamata a m’ma 2000 ngakhale ndi oletsedwa mdzikolo  ndipo achinyamatawa akumachita mchitidwewu poyera mosabisa. Jayne Chilimampunga ali ndi nkhani yonse

Chiwelengelo cha achinyamata odzipha chikukwela mdziko la Zimbabwe ndipo izi zadzetsa nkhawa pakati pa anthu a mdzikolo pamene anyamata ena atatu posachedwapa anapanga kuti aphane. John Kassim wabwela ndi tsatane tsatane wa nkhaniyi.

Anthu a mdziko la Malawi tsopano azikatenga chiphatso (visa) cholowela ku United States of America ku Nairobi ku Kenya kuyambila pa 1 August chaka chino. George Mhango wabwela ndi zambiri

Boma la dziko la Mozambique layamba kugawa ndalama zokwana 74 million US dollars zokwezela ma bizinesi  osiyana siyana a mdzikolo. Bright Sonjela akufotokoza zambiri

Dziko la Malawi likanali mgulu la mayiko osaukitsitsa pamene anthu atatu mwa anthu anayi aliwonse ali pa umphwawi wadzaoneni  malingana ndi ripoti la African Development Bank. George Mhango akulongosola zambiri

Nduna za boma zomwe zimapanga maganizo ndi nfundo zoyendetsera dziko la Mozambique zapanga ganizo pa zokambilana zawo kuti pakhale lamulo lolanda katundu wa munthu aliyense yemwe adamupeza kapena kumanga nyumba mwa chinyengo. Bright Sonjela ali ndi nkhani yonse  

Mabungwe omenyela ufulu ndi anthu ena mdziko la Malawi, akufuna kupempha boma kuti munthu azikhala ndi mwana m’modzi yekha chifukwa chokuti chiwelengelo cha anthu chikukwela kwambiri pamene chili pa 22.8 miliyoni. Jayne Chilimampunga akutambasula bwino nkhaniyi

 Purezidenti Hakainde Hichilema wa dziko la Zambia, wayamikira malemu Dr. Guy Scott, omwe anali Purezidenti Wogwirizira kwa miyezi itatu mu chaka cha 2014. Dr. Scott anamwalira ali ndi zaka 82 chifukwa cha matenda a Parkinson's ndipo wayikidwa m'manda ku Leopards Hill Memorial Park mu mzinda wa Lusaka. Mtolankhani wathu Daniel Elisha Banda ali ndi nkhani yonse.

Basi  yomwe inanyamula ophunzira a pa King David Junior School ya m'dera la Ndejje mumzinda wa Kampala yachita ngozi yoopsa ya pamsewu ku Boma la Kapchorwa ku Uganda. Apolisi atsimikizira kuti anthu makumi awiri (20) amwalira pa ngoziyi. Alfred Dzaoneni wabwela ndi ripoti ili

Boma la United Kingdom lalengeza kuti lichepetsa thandizo lomwe limapeleka ku malawi ndi 90% kufikila mchaka cha 2029. Jayne Chilimampunga wabwela ndi nkhani yonse

Boma la Zimbabwe lakana nkhani yokuti chakudya chikupelewela kwa anthu amene ali ku Bulawayo omwe achoka ku South Africa pambuyo powukilidwa chifukwa chokhala mdzikolo mosavomelezeka . John Kassim akusimba

Bungwe la Malawi Environmental Protection Authority, MEPA lavomereza mkulu ochita za malonda mdziko la Malawi Dr Napoleon Dzombe kupitiliza ntchito yake yomanga factory yopanga fetereza mdzikolo, izi zadziwika pomwe a Dzombe anaitanidwa kunyumba yamalamulo lero. Mtolankhani mzathu mdziko la Malawi Kondwani Nyamasauka wadza ndi nkhani yonse.

Mabungwe atatu akuluakulu a mipingo m'dziko la Zambia, omwe ndi Zambia Conference of Catholic Bishops (ZCCB), Council of Churches in Zambia (CCZ), ndi Evangelical Fellowship of Zambia (EFZ), adzudzula kuchuluka kwa mawu oyambitsa mikangano, mawu achidani, kufalitsa nkhani za bodza komanso ziwawa zokhudzana ndi ndale pamene dzikolo likuyandikira chisankho cha patatu chomwe chidzachitike pa 13 August 2026. Daniel Elisha Banda ali ndi nkhani yonse.

Karonga Sosola ya mdziko la Malawi yati iyo ndiyo Mfumu ya Achewa kotelo kuti a chewa onse ulendo uno  asapite ku Mkaika kukachita mwambo kwa mfumu yawo Gawa Undi yomwe imakhala mdziko la Zambia. Mtolankhani mzathu mdziko la Malawi  Kondwani Nyamasauka akutsatira nkhaniyi ndipo wadza ndi nkhani yonse 

Zipani za ndale mdziko la Zambia zikupitilira kupanga makampeni pamene kwatsala masabata anayi kuti anthu azaponye voti pa 13 August  pamene zikuwuza anthu zomwe zizachite zikazolowa m’boma ndipo achinyamata ena apempha  zipani kuti zizichita zomwe zimalonjeza zikatenga boma. Ziyenela Zimba wabwela nkhani yonse

Msonkhano wa zi ntchito za njanji wa Africa Rail wamalizika lero. Msonkhanowu, omwe unali wa masiku awiri, umachitikira pa malo otchedwa Sandton Convention Centre mzinda wa Johannesburg mchigawo cha Gauteng mdziko la South Africa ndipo cholinga chake chinali kufuna kukambirana mwa njira zina zomwe zingakhazikitsidwe pa kukweza zintchito zina mu gawoli. Thamo Kapisa anali komweko ndipo wabwela ndi zambili.

Bungwe la Transparency International Zambia , lomwe limalimbikitsa ulamuliro wabwino ndi kulimbana ndi ziphuphu m'dziko la Zambia, lapempha Purezidenti Hakainde Hichilema kusiya kugwiritsa ntchito katundu wa boma pochita kampeni ya masankho. Mkulu wa bungweli, Maurice Nyambe, ndi amene wapereka pempholi pamene dziko la Zambia likuyembekezera masankho apatatu pa 13 August 2026. Daniel Elisha Banda ali ndi nkhani yonse

Chionetselo cha za molonda cha International Trade Fair chafika lero kumapeto mdziko la Zambia komwe mayiko 23 anatenga nawo mbali pamodzi ndi nthumwi zoposa 1000. Ziyenela Zimba wadza ndi zambiri.

A phungu a nyumba ya malamulo mdziko la Malawi, ayamba zokambirana zawo lero za chi number 52. Uwutu ndi mkumano wa chitatu chisinthireni boma kupita m’manja mwa President Arthur Peter Mutharika. Kondwani Nyamasauka ali ndi nkhani yonse

Boma la Mozambique lati anthu amene anathamangitsidwa ku South Africa awayika mu ma projekiti a ntchito zosiyana siyana kuti akhale ndi mwayi wa ntchito. Bright Sonjela akufotokoza zambiri

Anthu a mdziko la Malawi ati dzikolo silikutukuka mu zinthu zambiri ngakhale likukondwelera kuti lakwanitsa zaka 62 chikhalireni pa ufulu odzilamulira kuyambila mchaka cha 1964. Jayne Chilamampunga wamva maganizo katswili olankhula pa nkhani zosiyana siyana mdzikolo a Imran Saidi

Bungwe lowona za masankho mdziko la Zambia la ECZ lakana kuti likutsindika ma pepala owonjezela ovotela mwa chinsisi. Ziyenela Zimba akufotokoza

Khothi la Machindye ku Kampala mdziko la Uganda, layimitsa kumva mlandu wa loya komanso mtsogoleri wa chipani cha People's Front for Freedom, Erias Lukwago, womwe ukumuneneza mlandu wofuna kulanda.Khothilo lati Lukwago sanathe kubwera kukhoti chifukwa akulandira chithandizo chapadera kuchipatala atadwala ali m'ndende. Mlanduwu uyambiranso pa 9 Julayi, pamene khothi lidzalandire lipoti la thanzi lake komanso momwe kafukufuku wa boma ukuyendera. Alfred Dzaoneni ali ndi zambiri