Umbutho wamalungelo oluntu olwela ukufezekisa inkqubo yobulungisa nomakulinganwe ngokwemo-ntlalo eMzantsi Afrika, uSECTION27, ukhuphe ingxelo engokuguquka kwemozulu esihloko sithi "Climate Change as a Human Rights Risk: A Resource for Health and Education Rights Activists in South Africa," neqwalasela umngcipheko wokuguquka kwemozulu kumalungelo oluntu. Le ngxelo igxile kwindlela ifuthe lokuguquka kwemozulu elichaphazela ngayo ukufikelela kwabantwana kwezempilo nakwimfundo esisiseko. Ikwa phonononga imeko yangoku yamalungelo abantwana kwindlela yokuziqhelanisa noku guquka kwemozulu, kwaye iphinde iphonononge imigaqo-nkqubo ejolise ekukhuseleni amalungelo abantwana kwimeko yemozulu eguqukayo. Ngokwalengxelo, ukuguquka kwemozulu ayingomba nje wezemfundo koko ngumngcipheko odinga ingqwalasela emandla.