Holobye wa ndzawulo ya Maphorisa, Senzo Mchunu u bakanyerile etlhelo swiviko swa leswaku ku na makungu ya ku khoma Khomixinara wa Maphorisa ya tiko Fannie Masemola mayelana na swihehlo swa vukanganyisi eka makumiwelo ya nhundzu ya maphorisa. Leswi swi va kona hi nkarhi lowu nhloko ya Xiyenge xa vunhlori bya vugevenga Dumisani Khumalo na van'wani va nga ku lavisisiweni mayelana na swihehlo swo dya mali eka nkwama wa ku xava nhundzu, ya kwalomu ka ku hundza madzana ntsevu wa mamiliyoni wa tirhandi hi lembe. Nkwama lowu wu tirhisiwa ku hakela timpipi etikweni, laha mihandzu ya kona yi nga vonakeki. Mchunu u lemukise leswaku mahungu la wa ya nga tekerisa hansi ntshamiseko eka vukorhokeri bya xiphorisa.

Muhaxi wa nongonoko wa Tiko A xi Etleli Clifford Maringa u burisana na Mutivi wa swa vurindzi bya tiko Azania Mnisi mayelena na mhaka leyi...