Hi hungu leri nga katsakanyiwa hi muteki wa mahungu ya hina epalamende Abongwe Kobokana ri vikiwa hi Muhluri Chavalala eka nongonoko wa Tiko A Xi-Etleli mixo wa  namuntlha, a ri kombisa ku tiyimisela ka vurhangeri bya xiyenge xa masocha ya tiko ra Afrika Dzponga xa SANDF. Leswi swi va kona hi ku langutisana na ku sungula ku vuyisa mintsumbu ya masocha ya nhlayo ya kwalomu ka 14 lava nga dlayiwa eDemocratic Republic of Congo ku sukela namuntlha. Xiyenge xa vurhangeri laha ku katsiwaka holobye Angie Motshekga na xandla xa yena Bantu Holomisa na murhangeir wa masocha Rudzani Maphwanya, va humesile mahungu hi xiyimo na matirhelo ya mosocha eDRC, laha va nga rhumeriwa kona ku ya kondletela xiyimo xa ku rhula. Va ri masocha ya tirha handle ka ku khukela tindlela ta ku vuyeriwa ka vurhangeri bya tiko. Leswi swi va kona laha swiyenge na minhlangano yin'wana va solaka na ku kombela  leswaku masocha ya tiko ra Afrika Dzonga, ya vuya etikweni ra rikwavo ku hambana na tindzhawu ta tiko ra DRC. Hambi swi ri tano, swirho swa vurhangeri hi nomo wa holobye Angie Motshekga, u kombisile tindlela ta laha ku faneleke ku fambiwa hi kona hi tirhelo ra masocha ya tiko ra Afrika Dzonga etindzhawini letiya xikan'we makungu ya ku vuyisa mintsumbu ya masocha laya nga dlayiwa eDRC. U hambi loko mintlhonthlo yi ri kona, ntirhisano na vun'we hi tirhelo ra masocha eka migingiriko ya ku kondletela xiyimo xa ku rhula yi na nkoka na ntikelo.