Holobye wa rihanyo eka tiko hinkwaro, Dokodela Aaron Motsoaledi u vula leswaku mintlawa ya swigevenga a va tava va nga swikotangi ku yiva mali exibedlhele xa Tembisa loko ava nga pfuniwangi hi vatirhela mfumo. Holobye wa rihanyo u angurile eka xiviko xa xiyenge xo endla mindzavisiso yo hlawuleka xa SIU xa vukungundwani na mafambiselo yo biha exibedlhele lexiya. Xiyenge xi vula leswaku mali ya Mabiliyoni yambirhi ya tirhandi yi yiviwile eka mafambiselo yo biha ya tithendara na vukanganyisi exibedlhele lexiya. 

Clifford Maringa u burisanile na muvulavuleri wa Ndzawulo ya rihanyo eka tiko hinkwaro ku twa n'wangulo wa vona eka leswi.