Hi nkoka na ntikelo wa siku ra 'World Social Work Day' namuntlha (18/03/2025', muhaxi eka nongonoko wa Tiko A Xi-Etleli mixo wa namuntlha Clifford Maringa u burisanile na muvulavuleri wa ndzawulo ya nhluvukiso wa vaaki eka xifundzha-nkulu xa Limpopo Joshua Kwapa. Hi laha Kwapa, a nga boxa leswaku MEC wa ndzawulo ya nhluvukiso wa vaaki eka xifundzha-nkulu Florence Radzilani, u ta ya pfhumbisa na ku tlangela siku hi ku rhurhela vanhu lava nga thwasela tidyondzo ta ku fambelana na ku pfuna eka xiyimo na matirhelo ya miehleketo ku nga 'Social Work Professionals' ku suka etindzhawini ta ku hambana eka xifundzha-nkulu. Ntirho lowu nga ta va kona ehotel ya The Ranch ePolokwane, wu ta katsa na ku khumbha swirho ku suka eUniveristy ya Venda na Limpopo. Joshua Kwapa, u ri ntirho wa siku ra namuntlha wu na nkoka ehansi ka nhloko-mhaka leyi nge : 'Strengthening Intergenerational Solidarity for Enduring Wellbeing'. Kwapa u ri vanhu lava nga thwasela tidyondzo ta muxaka lowu, va pfuna swinene vaaki hi tindlela ta ku hambana hambi loko mintlhontlho yin'wana yi yimile emahlweni.