Kelebogile Kgetse o buisana le moitseanape wa molao, Thabiso Pule ka seabe sa Dr Hlophe mo lephateng la molao le dikgotlhatshekelo...

Moeteledipele wa lekoko la uMkhonto we Sizwe kwa parliament - Dr John Hlophe a re fa maloko a lekoko la gagwe ba ka mo tlhopa, o tla nna leloko la commission e e dirang ka go ela tlhoko maitsholo a baatlhodi, go thapiwa ga baatlhodi le tsamaiso ya lephata leno - Judicial Services Commission. Hlophe ke maatlhodi wa maloba, yo a neng a okame dikgotlhatshekelo tsa kwa Western Cape. O tlositswe mo maemong ano ka vote ya maloko a kokoano ya bosetshaba go ya ka tsamaiso ya molaotheo - impeachment. Hlophe o ne a latofadiwa ka go leka go tlhotlheletsa ditshwetso tsa baatlhodi ba kgotlhatshekelo ya molaotheo mo molatong kgatlhanong le President wa maloba - Jacob Zuma.