Bathati ba lefapha la boitekanelo ba re ba tlhobaediwa ke palo e e oketsegang ya bao ba tshwaediwang ke bolwetsi ba M-Pox. Ba re kwa dinageng di akaretsa Democratic Republic of Congo, DRC palo ya ba ba tshwaeditsweng e ntse e oketsega. Ga jaana palo ya batho ba ba tshwaetsegileng kwa DRC ke dikete di le supa. Batlhankela ba setheong sa bao ba elang tlhoko melelwana ya naga - BMA, ba simolotse letsholo la go dira diteko mo go bao ba tsenang ka melelwaneng ya Afrika Borwa go tlhola gore a ba ka tswa ba nale matshwao kgotsa ba tshwaetsegile ka mogare wa M-Pox.