المدرسة علمتنا إيه غير المنهج؟ إسلام فوزي اتخرج واشتغل، لكن كلمة «تقييم مفاجئ» رجّعته فورًا لجو الامتحانات.

في الحلقة دي من «مش فاهم» بنفكّر في الدروس اللي ما كانتش في الكتاب: الاستئذان، انتظار الدور، الخوف من النتيجة، والمقارنة بالناس. من الطابور والفسحة ودرجات ابن خالتك، لحد تقييم الشغل ولايكات السوشيال ميديا، بنكتشف إزاي «المنهج الخفي» ممكن يفضل معانا بعد التخرج.

وبنسأل كمان: إيه حقيقة حكاية المدرسة والمصانع؟ ولما الذكاء الاصطناعي يجاوب والتعليم من البيت يبقى ممكن، إيه اللي لسه المدرسة بتعلّمه لنا عن العيش مع ناس تانية؟