Darubini ya Afrika (Kiswahili)

Tanzania: Mkutano wa kumi wa kawaida wa Baraza la Mawaziri la Shirika la Bahari la Mashariki, Kusini na Kaskazini mwa Afrika, MOESNA, umeanza rasmi Oktoba 15 mwaka 2026, jijini Dar es Salaam, Tanzania. Mwandishi wetu Gabriel Zakaria na ripoti kamili.

Drc: Serikali ya Jamhuri ya Kidemokrasia ya Congo imepiga marufuku shughuli za chama cha PPRD cha rais wa zamani Joseph Kabila, pamoja na vyama vingine 12 vya kisiasa, nchini kote. Uamuzi huo umetangazwa na Waziri wa Mambo ya Ndani, Jacquemain Shabani, siku tatu tu baada ya Joseph Kabila kutangaza kuundwa kwa vuguvugu jipya la kisiasa na kijeshi linalojulikana kama FRN. Ili kufahamu zaidi maana ya uamuzi huo na athari zake katika hali ya kisiasa nchini DRC, Abedi Jean Dela Croix amezungumza na Omar Kavota, mchambuzi wa siasa za Drc na eneo la Maziwa Makuu, na hii hapa sehemu ya mahojiano hayo.  

Kongamano la 26 la Afrika kuhusu vyama vya ushirika vya akiba na mikopo, linalojulikana kama SACCA Congress, linafanyika jijini Dar es Salaam, nchini Tanzania. Kongamano hilo linawakutanisha wadau wa vyama vya ushirika vya akiba na mikopo barani Afrika kujadili masuala yanayohusu sekta hiyo. Mwandishi wetu Gabriel Zakaria na maelezo kamili.

Serikali ya Ghana imewarejesha nchini Nigeria raia 120 wa nchi hiyo, waliookolewa na kukamatwa wakati wa operesheni ya pamoja ya vyombo vya usalama inayojulikana kama Operation Cyberhunt. Operesheni hiyo inalenga kukabiliana na mitandao inayojihusisha na biashara haramu ya binadamu pamoja na uhalifu wa kimtandao nchini Ghana. Manasse bin Bendera na mengi zaidi.

Madereva na wamiliki wa magari nchini Malawi, wanalazimika kulala usiku katika vituo vya mafuta wakisubiri kupata mafuta, huku uhaba wa bidhaa hiyo ukirejea nchini humo. Mwandishi wetu Richard Mwafulirwa na ripoti kamili.

Kambi ya watu waliolazimika kuyahama makazi yao katika eneo la Rhoo, wilaya ya Djugu, mkoani Ituri, ilishambuliwa Jumatatu ya wiki hii. Shambulizi hilo linadaiwa kuhusishwa na wapiganaji wa kundi la wanamgambo la CODECO, huku eneo hilo likiendelea kukabiliwa na changamoto za kiusalama kama anavyothibitisha Oliva Bavikarba, msemaji ya wakimbizi mkoani Ituri nchini Drc

Kiongozi wa kundi la waasi la Convention for the Popular Revolution “CPR”, Thomas Lubanga, amekutana na Rais wa Uganda, Yoweri Kaguta Museveni, katika Ikulu ya Entebbe mwishoni mwa wiki iliyopita. Awali, Abedi Jean Dela Croix alifanya mahojiano na aliyekuwa kiongozi wa Idhaa ya Kiswahili ya Channel Africa, Mzee Mike Arereng, kutoka Kampala nchini Uganda. Abedi alimuuliza mkutano kati ya Thomas Lubanga, na Rais wa Uganda, Yoweri Kaguta Museveni, ulihusu nini; Mzee Mike Arereng alianza kwa kuelezea umuhimu wa mkutano huo.

Aliyekuwa rais wa Jamhuri ya Kidemokrasia ya Congo, Joseph Kabila, ametangaza kuunda muungano mpya wa kisiasa na kijeshi pamoja na waasi wa kundi la M23, wanaoungwa mkono na Rwanda. Mwandishi wetu Austere Malivika na ripoti kamili kutoka Goma-Drc.

Vikosi vya serikali ya Ethiopia vimeanzisha mashambulizi kwa kutumia ndege zisizo na rubani dhidi ya wanajeshi wa Eritrea walioingia katika eneo la Tigray, kaskazini mwa Ethiopia, wakitokea upande wa mpaka. Awali, Abedi Jean Dela Croix alifanya mahojiano na mwandishi wetu Coletta Wanjohi ili kupata maelezo zaidi kuhusu mashambulizi ya ndege zisizo na rubani yaliyofanywa na vikosi vya serikali ya Ethiopia dhidi ya wanajeshi wa Eritrea katika eneo la Tigray, kaskazini mwa Ethiopia, na namna hali hiyo inavyozidisha mvutano kati ya nchi hizo mbili jirani; Coletta Wanjohi alianza kwa kueleza hali ilivyo.

Aliyekuwa rais wa Jamhuri ya Kidemokrasia ya Congo, Joseph Kabila, amemkosoa mrithi wake, Rais Félix Tshisekedi, akidai kuwa utawala wake ni dhaifu. Kabila alitoa matamshi hayo katika hotuba yake Ijumaa iliyopita, Oktoba 9, na tangu wakati huo hotuba hiyo imeendelea kuzua maoni tofauti miongoni mwa wananchi wa Congo. Mwandishi wetu M’molelwa M’seke Dide na ripoti kamili kutoka Beni-Drc.

Ethiopia: Wanajeshi wa Eritrea wameingia kaskazini mwa Ethiopia wakielekea katika eneo la Tigray, ambako mapigano makali yameripotiwa kati ya vikosi vya serikali na vikosi vya eneo hilo. Awali Abedi Jean Dela Croix alifanya mahojiano na mwandishi wetu Coletta Wanjohi, ambaye anaelezea zaidi kuhusu hali hiyo.

Drc: Viongozi wa AFC-M23 wamepiga marufuku shughuli za uvuvi katika Ziwa Edward kwa siku 30, wakisema hatua hiyo inalenga kuzuia kuenea kwa ugonjwa wa Ebola. Marufuku hiyo imewaathiri moja kwa moja wakazi wa Vitsumbi, ambao maisha yao ya kila siku yanategemea kwa kiasi kikubwa shughuli za uvuvi. Mwandishi wetu M’molelwa M’seke Dide ametuandalia ripoti ifuatayo kutoka Beni-Drc.

Drc: Jamhuri ya Kidemokrasia ya Congo imeanzisha mpango wa kitaifa wa kuchora ramani ya kijiolojia kwa kutumia ndege, kwa lengo la kubaini kwa undani zaidi utajiri wa madini uliopo nchini humo na kuvutia uwekezaji. Lakini je, wananchi wa kawaida watafaidika vipi na mpango huu, hasa kutokana na utajiri mkubwa wa madini unaopatikana nchini humo? Omar Kavota, mchambuzi wa siasa za DRC na eneo la Maziwa Makuu, alijibu swali hilo wakati wa mahojiano na Abedi Jean dela croix muda mchache uliopitia.

Arusha: Wajumbe wanaohudhuria Mkutano wa 153 wa Umoja wa Mabunge Duniani, IPU, mjini Arusha, wamesema wabunge hawapaswi kuishia katika kutunga sheria na kuwawakilisha wananchi pekee, bali pia wanapaswa kulinda maslahi ya umma na kuhakikisha serikali zinawajibika. Mwandishi wetu Gabriel Zakaria ametuandalia ripoti kamili ifuatayo kutoka Arusha nchini Tanzania.

Malawi: Mgogoro mkubwa wa mafuta nchini Malawi umesababisha nauli za usafiri wa umma kuongezeka mara mbili ndani ya usiku mmoja. Hali hiyo imewalazimu baadhi ya wasafiri kupanda magari ya mizigo au kutembea kwa miguu kuelekea kazini. Mwakilishi wetu nchini Malawi Richard Mwafulirwa ametuandalia ripoti kamili.

Arusha -Tanzania: Mkutano wa 153 wa Umoja wa Mabunge Duniani, IPU, unaendelea mjini Arusha nchini Tanzania, kuanzia Oktoba 5 hadi 9 mwaka huu. Mkutano huo umewaleta pamoja zaidi ya washiriki 2,000 kutoka mabunge 183 wanachama. Mwandishi wetu Prosper Kwigize na ripoti ifuatayo.

Drc: Wanajeshi 27 nchini Jamhuri ya Kidemokrasia ya Congo wamehukumiwa adhabu ya kifo kwa kosa la woga vitani, na mahakama ya kijeshi ya ngazi ya ngome ya Uvira Kivu Kusini.Awali, Abedi Jean Dela Croix alifanya mahojiano na mwandishi wa habari, Tamunyeke Lubunga. Katika mahojiano hayo, Abedi alitaka kwanza kufahamu kwa undani zaidi kuhusu taarifa hizo ambapo Tamunyeke alianza kwa kuelezea.

Ethiopia: Vikosi vya serikali ya Ethiopia pamoja na wanamgambo wanaoiunga mkono serikali vimedhibiti kikamilifu mji wa Mekelle, ambao ni makao makuu ya jimbo la Tigray, baada ya wapiganaji wa waasi kuondoka mjini humo bila mapigano.Muda mchache uliopita, Abedi Jean Dela Croix alifanya mahojiano na mwandishi wetu, Coletta Wanjohi, ambaye alianza kwa kufafanua zaidi kuhusu taarifa hii.

Drc: Taasisi ya Uhifadhi wa Mazingira ya Drc, ICCN, imetoa wito wa kuwa waangalifu baada ya kugunduliwa kwa mizoga kadhaa ya viboko kando ya Mto Semuliki, katika wilaya ya Beni Kivu Kaskazini. Mwandishi wetu M’molelwa M’seke Dide na ripoti ifuatayo.  

Malawi: Wasiwasi umeibuka kuhusu uwezo wa Malawi kuendelea kutoa huduma za uzazi wa mpango bila kukatizwa, kutokana na kupungua kwa ufadhili kutoka kwa wafadhili. Nchi hiyo inakabiliwa na upungufu wa fedha unaokadiriwa kufikia kwacha bilioni 17.34, sawa na dola milioni 10 za Marekani, kwa ajili ya ununuzi wa dawa na vifaa vya uzazi wa mpango kwa mwaka 2027. Mwanahabari wetu Richard Mwafulirwa na ripoti kamili.

Burundi: Takriban raia 7,000 wa Burundi wanaripotiwa kurejea nchini mwao kufuatia operesheni ya kukabiliana na raia wa kigeni wanaoendesha biashara ndogondogo nchini Kenya, iliyoanza mapema mwezi huu. Mwandishi wetu Balen Havyarimana na mengi Zaidi.

Tanzania: Jeshi la Polisi nchini Tanzania limewaonya watu binafsi au makundi yanayojaribu kuzuia mabasi na malori kuendelea na safari zao, kufuatia taarifa za kuwepo kwa harakati za mgomo wa madereva katika baadhi ya maeneo ya nchi hiyo. Mengi ni ndani ya ripoti ya mwakilishi wetu nchini Tanzania Gabirel Zakaria.

Afrika Kusini: Waziri wa Utalii wa Afrika Kusini, Patricia de Lille, amehutubia wakurugenzi wa mashirika, wafanyabiashara na wanahabari kuhusu ukuaji wa uchumi wa jimbo la Gauteng, hususan sekta ya utalii. Mwenzetu Christine Esipisu alishiriki katika mkutano huo, na tayari tuko naye hapa studio ili atueleze kwa kina kuhusu mkutano huo, Christine, Ni kwa namna gani wananchi wa Afrika Kusini wanaweza kuchangia katika kukuza sekta ya utalii hapa nchini.

Drc: Maelfu ya watu wamekimbilia katika kituo cha ujumbe wa kulinda amani wa Umoja wa Mataifa kilichopo Rhoo, kufuatia mapigano makali yaliyozuka hivi karibuni. Awali, Abedi Jean Dela Croix alifanya mahojiano na Magloire Kakule, mwandishi wa habari huru kutoka Bunia-Ituri, Abedi alitaka kufahamu undani wa taarifa yenyewe ukoje; Magloire Kakule alijibu swali hilo kama ifuatavyo.

Afrika Kusini: Ofisi ya Kamishna Mkuu wa Umoja wa Mataifa wa Haki za Binadamu inaendesha mafunzo ya siku moja kwa njia ya ana kwa ana na mtandao, kwa wahariri na waandishi wa habari kutoka nchi wanachama wa Jumuiya ya Maendeleo Kusini mwa Afrika, SADC. Mafunzo hayo yanafanyika Sandton, Johannesburg, hapa nchini Afrika Kusini. Mwenzetu Christine Esipisu alishiriki katika mkutano huo, na tayari tuko naye hapa studio ili atueleze kwa kina kuhusu mafunzo hayo, Christine, kutokana na ushiriki wako katika mkutano huo, waandishi wa habari wa ndani na kitaifa wana nafasi gani katika kuhabarisha umma kuhusu masuala ya haki za binadamu?

Drc: Serikali ya Jamhuri ya Kidemokrasia ya Congo imetangaza siku tatu za maombolezo ya kitaifa kufuatia vifo vya majenerali wawili wa jeshi na maafisa wengine katika ajali ya ndege iliyotokea Ijumaa, katika eneo la Kenge, jimbo la Kwango. Wakati huohuo, watu kadhaa wamefariki dunia kufuatia ajali ya boti katika Ziwa Kivu, mapema Jumatatu hii. Ripoti ya mwandishi wetu M’molelwa M’seke Dide inaangazia Zaidi.

Drc: Watu wasiopungua 41 wamepoteza maisha baada ya boti iliyokuwa ikisafiri kutoka Kigoma nchini Tanzania kuelekea mji wa Kalemie, katika Jamhuri ya Kidemokrasia ya Congo, kuzama katika Ziwa Tanganyika . Awali Abedi Jean dela croix alifanya mahojiano na mwandishi wa habari wa kujitegemea Dewilo Kalubula kutoka Kalemie-Drc, Abedi alimuuliza kama taarifa zenyewe zikoje kiundani ambapo Dewilo alianza kwa kuelezea.

Kenya: Serikali ya Kaunti ya Mombasa nchini Kenya imetangaza hatua za dharura za kukabiliana na mvua kubwa za El Niño, zinazotarajiwa kuanza wiki ya pili ya mwezi Oktoba na kuendelea kwa miezi kadhaa. Hatua hizo zimechukuliwa baada ya mvua kubwa kuonyesha kwa mara nyingine udhaifu wa miundombinu ya mji huo wa pwani katika kukabiliana na mafuriko. Taarifa zaidi na mwandishi wetu kutoka Mombasa Diana Wanyonyi.

Tanzania: Kiongozi wa upinzani nchini Tanzania, Tundu Lissu, aliwasilisha hoja zake za mwisho jana Jumatano, Septemba 23, mbele ya jopo la majaji watatu katika Kanda ya Dar es Salaam ya Mahakama Kuu. Muda mchache uliopita Abedi Jean dela croix alifanya mahojiano na mwandishi wetu Gabriel Zakaria kutoka Dar es salaam-Tanzania, Abedi alimuuliza kama Mhe Tundu Lissu alisisitiza hoja gani katika mawasilisho yake ya mwisho; Gabriel Zakaria alianza kwa kufafanua Zaidi.

Moto ulizuka jana Jumatano, Septemba 23, katika eneo la makazi ya watu waliokimbia makazi yao la Kigonze, katika kitongoji cha Mudzi-Pela, mjini Bunia. Ripoti ya mwandishi wetu M’molelwa M’seke Dide inaangazia Zaidi.

Afrika Kusini: Watu 11, akiwemo mwanamke mjamzito, wameuawa baada ya watu wenye silaha kuvamia nyumba katika eneo la KwaMakhutha, kusini mwa Durban, nchini Afrika Kusini. Abedi Jean dela croix na ripoti ifuatayo.

Rwanda – Ubelgiji: Rwanda na Ubelgiji zimerejesha uhusiano wao wa kidiplomasia, miezi 18 baada ya nchi hizo mbili kuvunja uhusiano wa kidiplomasia. Muda mchache uliopita Abedi Jean dela croix alifanya mahojiano na mwandishi wetu Sylvanus Karemera kutoka Kigali-Rwanda, Abedi alimuuliza kama hatua hii ina umuhimu gani kwa nchi hizo mbili na kwa uhusiano wao wa muda mrefu; Sylvanus Karemera alianza kwa kufafanua Zaidi.

Zanzibar: Mwenyekiti wa chama cha ACT-Wazalendo, Othman Masoud Othman, maarufu kama OMO, ameapishwa leo, Septemba 22, 2026, kuwa Makamu wa Kwanza wa Rais wa Zanzibar. Kulichambua hili tunaungana na mwandishi wetu Gabriel Zakaria kutoka Tanzania, Gabriel Zakaria habari za Tanzania.

Drc: Rais wa Jamhuri ya Kidemokrasia ya Congo, Félix Tshisekedi, hatashiriki katika kikao cha 81 cha Baraza Kuu la Umoja wa Mataifa, mjini New York. Kutokuwepo kwake kunatokana na vikwazo vya usafiri vilivyowekwa na Marekani kufuatia mlipuko mkubwa wa ugonjwa wa Ebola nchini humo. Awali, Abedi Jean de la Croix alifanya mahojiano na mwandishi wa habari Aristote Longeri kutoka Beni-Drc. Abedi alimuuliza kutokuwepo kwa Rais Tshisekedi katika Baraza Kuu la Umoja wa Mataifa kunaweza kuwa na athari gani kwa nafasi ya DRC katika diplomasia ya kimataifa, hasa kuhusu usalama na hali ya mashariki mwa nchi; Aristote Longeri alianza kwa kutoa mtazamo wake.

Drc: Kuna wasiwasi miongoni mwa wakazi wa vijiji vya Remeka, katika wilaya ya Masisi, Kivu Kaskazini, ambapo muungano wa Wazalendo na jeshi la serikali vinapambana na kundi la AFC-M23. Mwandishi wetu Austere Malivika na ripoti kamili.

Cameroon: Maelfu ya waandamanaji hivi karibuni waliingia mitaani katika mji mkuu wa Cameroon, Yaoundé, wakidai serikali itunge mara moja sheria mahususi za kukabiliana na ongezeko kubwa la mauaji ya wanawake, ubakaji, na unyanyasaji wa watoto. Awali, Abedi Jean de la Croix alifanya mahojiano na mwandishi wetu Mossi Mwassi kutoka Congo-Brazzaville. Abedi alitaka kujua undani wa taarifa zenyewe, Mossi Mwassi alianza kwa kuelezea.

Afrika Kusini: Shirika la kutetea haki za binadamu la Amnesty International South Africa linatoa wito wa mauaji ya wanawake kwa sababu ya jinsia kutambuliwa rasmi kama kosa la jinai, kufuatia ongezeko kubwa la mauaji ya kikatili ya wanawake Kempton Park, katika manisipaa ya Ekurhuleni.Christine Esipisu na ripoti ifuatayo.

Drc: Muungano wa C64, unaojumuisha viongozi na watu kadhaa kutoka upinzani wa Drc, ulitangaza Alhamisi kwamba kuanzia sasa utachukua hatua za “kujilinda” dhidi ya kikwazo chochote kinachozuia shughuli zake za umma.Awali, Abedi Jean dela croix alifanya mahojiano na Omar Kavota, yeye ni mchambuzi wa siasa za Drc na maziwa makuu kutoka Beni-Drc.Abedi alimuuliza mtazamo wake kuhusiana na kauli hiyo ya upinzani, Omar Kavota alianza kwa kutoa mtazamo wake.

Serikali ya Malawi imesimamisha mara moja warsha na mikutano yote inayofadhiliwa na serikali, ambayo hufanyika nje ya vituo rasmi vya kazi. Hatua hiyo inalenga kupunguza matumizi ya serikali na kulinda fedha za umma. Mwandishi wetu Richard Mwafulirwa na mengi Zaidi.

Mwaka wa masomo wa 2026–2027 umeanza katika mazingira magumu kwa baadhi ya shule za bweni nchini Burundi. Shule hizo zinakabiliwa na uhaba wa vitanda, magodoro, vifaa vya shule, walimu, maji safi pamoja na fedha za kuendesha shughuli za shule. Mwandishi wetu Balen Havyarimana na ripoti kamili.

Muungano wa wa vyama bya upinzani Nchini Jamahuri ya kidemokrasia ya Congo wameandamana jumanne hii kupinga marekebisho ya katiba ya Nchi kupitia kura ya Maoni kama inavyotarajiwa kufanyiwa Na vyama tawala; huku wakituhumu rais Félix TSHISEKEDI aliyoko madarakani kutafuta kuwania muhula wa wa 3 kinyume Na katiba ya Nchi. Mwandishi wetu M'molelwa Mseke DIDE anatuandalia ripoti ifuatayo kutoka Beni 

Mabasi yameanza kuwahamisha waomba hifadhi na wakimbizi kutoka Kituo cha Mapokezi ya Wakimbizi cha Durban, kuelekea Kituo cha Marekebisho cha Lindela, katika mkoa wa Gauteng. Awali Abedi Jean dela croix alifanya mahojiano na Asokolo Itabelo ambaye ni miongoni mwa Kundi hilo, Abedi alitaka kufahamu kiundani kuhusiana na taarifa husika, Asokolo alianza kwa kuelezea kiundani.

Drc: Rais wa Jamhuri ya Kidemokrasia ya Congo, Félix Tshisekedi, ameunda kamati ya kuandaa mazungumzo ya kitaifa, huku kukiwa na wasiwasi kutoka kwa vyama vya upinzani na mashirika ya kiraia. Awali nilifanya mahojiano na Mi’alano Tangani’a David, yeye ni mchambuzi wa masuala ya kisiasa kutoka Nairobi-Kenya, Abedi alimuuliza mazungumzo ya kitaifa yanaweza kuleta suluhu ya kisiasa nchini Drc, Mi’alano Tangani’a David alianza kwa kutoa mtazamo wake.

Uganda: Uganda imewaamuru wanafunzi wanaorejea kutoka Jamhuri ya Kidemokrasia ya Congo kuwekwa karantini kwa siku 21, kabla ya kuruhusiwa kurejea shuleni. Kulichambua hili muda mchache uliopita nilifanya mahojiano na aliyekuwa kiongozi wa idhaa ya Kiswahili ya channel Africa mzee Mike Arereng kutoka Kampala-Uganda, nilitaka kufahamu kutoka kwa mzee Mike Arereng je siku 21 za karantini ni hatua ya tahadhari au ni kali kupita kiasi, Mzee Mike Arereng alianza kwa kuelezea.

Drc: Wanafunzi wasiopungua 20 wamefariki na wengine kujeruhiwa vibaya baada ya moto kuzuka katika shule mbili katika mji unaodhibitiwa na waasi wa M23 wa Bukavu-Drc. Awali, Abedi Jean dela croix alifanya mahojiano na Enock Kaluta David, yeye ni mwandishi wa habari. Abedi alimuuliza kilichotokea kuhusiana na mkasa huo wa moto. Enock Kaluta David alianza kwa kufafanua zaidi.

Tume ya Mto Zambezi, kwa kushirikiana na Benki ya Maendeleo ya Afrika, imehitimisha leo ujumbe wa awali wa tathmini wa mpango wa kuimarisha ustahimilivu wa chakula, maisha na mifumo ikolojia katika bonde la Mto Zambezi. Felix Ngamlagosi, Mtendaji mkuu wa taasisi ya kikanda ya tume ya maendeleo katika bonde la mto Zambeze anazungumza Zaidi kuhusiana na mkutano huo.

Afrika Kusini: Maonyesho ya Biashara ya mwaka 2026 pamoja na Mkutano wa Tatu wa Mwaka wa Mabalozi, unaofanyika mjini Pretoria hapa nchini. Kulichambua suala hili, tunaungana na Christine Esipisu, ambaye amefuatilia mkutano huo mjini Pretoria.

Rwanda: Kwa wiki sasa, kumekuwa na mjadala na utata unaoongezeka nchini Rwanda kuhusu agizo linalowazuia wasichana na wanawake vijana kuvaa nguo fupi sana katika maeneo ya umma. Awali Abedi Jean dela croix alifanya mahojiano na mwandishi wetu Sylvanus Karemera kutoka Kigali-Rwanda kutaka kufahamu undani wa taarifa zenyewe, Sylvanus alianza kwa kufafanua zaidi.

Zanzibar: Hafidh Ameir Hassan, mume wa Rais wa Tanzania, Mhe. Dkt Samia Suluhu Hassan, amefariki dunia leo wakati akipatiwa matibabu ya tatizo la moyo Zanzibar. Kwa mengi zaidi kuhusiana na taarifa hii tunaungana na Wilberforce Ngoto, yeye ni mwandishi wa habari wa sauti ya Ujerumani na mchambuzi wa masuala ya siasa kutoka Dar es salaam-Tanzania, Wilberforce Ngoto habari za leo.

Drc: Zaidi ya wakulima 90 kutoka katika mashirika ya wakulima yanayoungwa mkono na mradi wa Women in Action wa Taasisi ya Jane Goodall nchini DRC, wamepatiwa mafunzo kuhusu mbinu za usimamizi wa mazao baada ya mavuno pamoja na uchakataji wa bidhaa za kilimo wilayani Walikale, Kivu Kaskazini. Mwandishi wa habari wa kujitegemea Germain Hassan Kyahwere na ripoti kamili.