Die digter en akademikus, Bernard Odendaal, is in die ateljee saam met Frieda van den Heever vir nog 'n aflewering van 'n reeks wat fokus op plekke en streke wat as tema of gebeureruimte dien in die poësie van ŉ verskeidenheid Afrikaanse digters – op die digterskontreie van Afrikaans, as’t ware. Die tema en gedigte wat ons gekies het, het te make met die lieflike Overberg - dié keer die kusgedeeltes. Jy kan uitsien na gedigte deur Rosa Smit, Ronelda Kamfer, Wilma Stockenström, Wium van Zyl, Chris Lombard,  Marlene van Niekerk, Marius Swart, D.J. Opperman, André le Roux, Francois de Jongh, Jolyn Phillips, Peter Blum, Uys Krige en Gerard Scholtz.

Voorlesings van gedigte, afgewissel met gepaste musiek.