Isebe lezothutho limemelela kubaqhubi bezithuthi ezisentyenziswa ngabakhweli besebenzisa ubuxhaka-xhaka balemihla E-hailing ukutsho, ukuba bakhawuleze beze ngaphambili ukuza kubhalisela iimpepha mvume ezivumela ukuba baqhube elishishini ngokusemthethweni, iOperating Licences ukutsho, zingekapheli iintsuku ezilikhulu elinamashumi asibhozo. Isebe lithi oku kuza nanjengoko kuhamba ngesantya esicothayo ukubhalisela ezimpepha mvume ngabaqhubi kwakunye neenkampani ezinamaqonga okuqhuba elishishini. Iqumrhu elijongene nolawulo lweezithuthi zika wonke wonke, iNational Public Transport Regulator ukutsho, linikeze abaqhubi neenkampani ze E-hailing de kube yinyanga yoKwindla kunyaka ozayo ukuba babhalisele ezimpepha mvume. Ezingunqu ziyinxalenye yokuhlonyelwa komthetho iNational Land Transport Act, kweyoMsintsi kulo umiyo. Nangona kunjalo, amalungu emibutho ye E-hailing kumaphondo ohlukileyo, akuncomile ukuhlonyelwa kwalomthetho ngelixa amanye engahambisani nezingunqu. Konke oku kwenzeka emva kwembambano ebikade iphakathi kweshishini leetaxi kwakunye ne E-hailing kwezinyanga zigqithileyo, nalapho kwezinye iziganeko kuthe kwabulawa abaqhubi be E-hailing, ngabantu ekutyholwa ukuba ngoonotaxi kuba bengafuni elishishini ngenxa yokuba besithi alibhaliswanga ngokusemthethweni.

<p>Isebe lezothutho limemelela kubaqhubi bezithuthi ezisentyenziswa ngabakhweli besebenzisa ubuxhaka-xhaka balemihla E-hailing ukutsho, ukuba bakhawuleze beze ngaphambili ukuza kubhalisela iimpepha mvume ezivumela ukuba baqhube elishishini ngokusemthethweni, iOperating Licences ukutsho, zingekapheli iintsuku ezilikhulu elinamashumi asibhozo. Isebe lithi oku kuza nanjengoko kuhamba ngesantya esicothayo ukubhalisela ezimpepha mvume ngabaqhubi kwakunye neenkampani ezinamaqonga okuqhuba elishishini. Iqumrhu elijongene nolawulo lweezithuthi zika wonke wonke, iNational Public Transport Regulator ukutsho, linikeze abaqhubi neenkampani ze E-hailing de kube yinyanga yoKwindla kunyaka ozayo ukuba babhalisele ezimpepha mvume. Ezingunqu ziyinxalenye yokuhlonyelwa komthetho iNational Land Transport Act, kweyoMsintsi kulo umiyo. Nangona kunjalo, amalungu emibutho ye E-hailing kumaphondo ohlukileyo, akuncomile ukuhlonyelwa kwalomthetho ngelixa amanye engahambisani nezingunqu. Konke oku kwenzeka emva kwembambano ebikade iphakathi kweshishini leetaxi kwakunye ne E-hailing kwezinyanga zigqithileyo, nalapho kwezinye iziganeko kuthe kwabulawa abaqhubi be E-hailing, ngabantu ekutyholwa ukuba ngoonotaxi kuba bengafuni elishishini ngenxa yokuba besithi alibhaliswanga ngokusemthethweni.</p>

Umhlobo Wenene Current Affairs

Umhlobo Wenene FM News and Current Affairs. Brought to you by SABC News.

<p>Umhlobo Wenene FM News and Current Affairs. Brought to you by SABC News.</p>