INTRO: Umphathiswa wezemali uEnoch Godongwana, namhlanje ubhengeze ukuba isebe lezemali ligqibe ngomyinge ka-3 pesenti ekhulwini njengelona qondo lokufunquka kwamaxabiso ezinto elizakusetyenziswa kweli. Oku kuza nanjengoko ngaphambili bekukho ukungavisisani phakathi kwesebe lezemali nebhanka enguvimba, kulandela isibhengezo esenziwa yiRhuluneli yebhanka enguvimba uLesetja Kganyago, sokuba ikomiti ejongene nemigaqonkqubo yezemali, kungokunje izakugxila kumyinge ka-3 pesenti ekhulwini njengelona qondo le-inflation, endaweni yeqondo eliphakathi kuka-3 pesenti no 6-pesenti eliye lisetyenziswe lisebe lezemali. Isigqibo sikaGodongwana sithetha ukuba iqondo le-inflation ngoku lizakuba phakathi komyinge ka 2 pesenti no 4 pesenti ekhulwini.