Tshipida tsha fumbiliraru tsha Tshimonemone, munwali u kha divha Ndikandafhi Suzan Vele Ravuku>

TSHANDZUNGULUWE – ALIAS TSHIMONEMONE
Heino ndi nganeathevhekani ya zwipida zwa furaru. Yo nwalelwa Phalaphala Fm nga lidzhakandila siani la matambwa a radio na television. Ndi Suzan Ndikandafhi “Vele” Ravuku, a divheaho sa “Fheli” kha litambwa lwa Muvhango kha SABC 2.
Nganeathevhekani hei I vusa khanedzano nga ha vhane ra ri ndi “vhabvannda”, hune kha vhanwe hu pfi vha khou ri dzhiele mishumo na vhubindudzi. Khanedzano ndi ya uri izwo zwine vha khou pomokwa zwone zwo tou ralo naa. 
Hu na tshipida tshi kwamaho misanda kana mahosi, tshi khou tambiwa nga mutambi dzitha – Livhuwani Patrick Tshitamba e musanda Vho-Phulamuenze – Hu na zwine mahosi kana misanda vha khou nwata kha “vhabvannda” havha, nga vha thetshelese zwipida zwi tambiwaho nga musanda hafha vhone vha dzhie tsheo.
Hu na mufumakadzi Adziambei, tshipida tshi no khou tambiwa nga mutambi Mashudu Tshikalange, kha avha vha no pfi “vhabvannda”, vhafumakadzi vha fhano vha kungwa nga mini? Nga vha thetshelese tshipida hetshi vha pfe uri ndi tshi’ni tshine vhanna vha fhano ri si vhe natsho tshi wanalaho kha vhabvannda ngauri vhafumakadzi vha fhano vha tou sema na mano vha tshi ri vha khou toda vhabvannda havha.
Avha vhanna-vho vha vhabvannda, ndi tshi’ni tshine vha vhuya vha tou longondo vha tshi zwimana na vhafumakadzi vha fhano? Tshipida hetshi tshi khou tambiwa nga Fulufhelo Collen Munyai, a no khou tamba sa mubvannda Okeke, hafha vha do sea mbavu dza tou vundea.
Hu na pfunzo yo livhiswaho kha vhafelwa, nga maanda vha vhafumakadzi, hu na vhanna vho bvaho fulo la u zwimana na vhafelwa havha, tshipida hetshi tshi khou tambiwa nga musidzana Elelwani Mudau o tangana na lidzhakandila kha matambwa a radio na dzifilimu – Nyambeni Robert Munyamela “General Chitungwidza”, hafha vha do pfa uri vhafelwa havha vha fhureledzwa hani hune khii ya muhumbulo vha vhuya vha tou I posa lwanzheni.
Manzhi nga vha a wane nga u thetshelesa tshipida tshinwe na tshinwe u bva Musumbuluwo wa la 22 April u swika la 31 May 2019, ngoho

TSHANDZUNGULUWE – ALIAS TSHIMONEMONE
Heino ndi nganeathevhekani ya zwipida zwa furaru.