Kulomdlalo wemoya sibuka imphilo yaSabelo wakaLaMnguni lokhula ngekuhlukunyetwa ngunina uLaMnguni nemnakabo Skhumbuzo. LaMnguni ungumake losigebengu lesikhendlile lesisebentisana nebafana labanguboSpitjo naZakhele. Sabelo utsandzana naMcabango losebenta kaSARS lomngani waPhakamile longuthishelakati. Kunemndeni wakaSibuyi lomakholwa kepha kuhambe kutfolakale kutsi bahlulwa tilingo tasemhlabeni. Sibuyi utfolakala sekahlukumete ngemacansi wakhulelisa indvodzakati yakhe langayitali. Umkakhe LaNdwandwe yena utitfole sekatsandzana naMelusi loneminyaka lengu-19 longumsa waLusenga loliphoyisa. Lusenga wacosha Melusi ekhaya ngoba afeyile ekolishi lokungiloko lokwaholela Melusi etandleni talaNdwandwe. Ngasekugcineni sitfola kutsi Sabelo utsandzana neliwele lakhe lelinguMcabango. Loku kuvela ngemuva kwekutsi LaMnguni netichalakashane takhe tetame kusoconga Sabelo ngenhloso yekugwamandza umshwalense nekuphakela lenyoka LaMnguni lakhendle ngayo. Mcabango wapha Sabelo inso yakhe kwaba ngula kutfolakala khona kutsi unguleliphahla lelebiwa esibhedlela lisandza kubelekwa nguLaNkuna longunkhosikati waNcongwane. Konkhe loku kutfolakala ngelusito lwaNomcebo longudokotela abuye abe ngudzazewaboLusenga. Indvodzakati yaLaNdwandwe naSibuyi lengu-Amanda yancuma kutsi ingasigcini lesisu leyasikhuleliswa nguyise Sibuyi losigebengu semfundisi.

<p>Kulomdlalo wemoya sibuka imphilo yaSabelo wakaLaMnguni lokhula ngekuhlukunyetwa ngunina uLaMnguni nemnakabo Skhumbuzo. LaMnguni ungumake losigebengu lesikhendlile lesisebentisana nebafana labanguboSpitjo naZakhele. Sabelo utsandzana naMcabango losebenta kaSARS lomngani waPhakamile longuthishelakati. Kunemndeni wakaSibuyi lomakholwa kepha kuhambe kutfolakale kutsi bahlulwa tilingo tasemhlabeni. Sibuyi utfolakala sekahlukumete ngemacansi wakhulelisa indvodzakati yakhe langayitali. Umkakhe LaNdwandwe yena utitfole sekatsandzana naMelusi loneminyaka lengu-19 longumsa waLusenga loliphoyisa. Lusenga wacosha Melusi ekhaya ngoba afeyile ekolishi lokungiloko lokwaholela Melusi etandleni talaNdwandwe. Ngasekugcineni sitfola kutsi Sabelo utsandzana neliwele lakhe lelinguMcabango. Loku kuvela ngemuva kwekutsi LaMnguni netichalakashane takhe tetame kusoconga Sabelo ngenhloso yekugwamandza umshwalense nekuphakela lenyoka LaMnguni lakhendle ngayo. Mcabango wapha Sabelo inso yakhe kwaba ngula kutfolakala khona kutsi unguleliphahla lelebiwa esibhedlela lisandza kubelekwa nguLaNkuna longunkhosikati waNcongwane. Konkhe loku kutfolakala ngelusito lwaNomcebo longudokotela abuye abe ngudzazewaboLusenga. Indvodzakati yaLaNdwandwe naSibuyi lengu-Amanda yancuma kutsi ingasigcini lesisu leyasikhuleliswa nguyise Sibuyi losigebengu semfundisi.</p>

Tjela Yena

Tjela Yena Eps 08 (13.11.2025)

Tjela Yena Eps 06 (11.11.2025)