Hi hungu leri nga katsakanyiwa hi muteki wa mahungu ya hina eJohannesburg eka xifundzha-nkulu xa Gauteng Sibahle Motha ri vikiwa eka nongonoko wa Tiko A Xi-Etleli madyambu ya namuntlha hi Muhluri Chavalala, a ri tiyisisa mbulavulo wa President Cyril Ramaphosa. Hi lowu a nga burisana na vurhumiwa eka nhlengeletano ya timhaka ta mati ya '2025 Water Indaba' eMidrand eka xifundzha-nkulu xa Gauteng. Ramaphosa u komberile na ku nyika switsundzuxo swa ku hlayisa mati. U tlhele a boxa leswaku lava hambukaka na ku tiyisisa maendlelo ya vugevenga eka timhaka ta mati, va ta tekeriwa magoza. Ramaphosa u ri ku katsiwa ku tsemiwa ka tiphayiphi na bindzu ra mati hi ku onhela vanhu van'wana na tiko xikan'we maendlelo ya ku tsandzeka ku landzelela milawu ehenhla ka timhaka ta mati. Ramaphosa u ri milawu yi na nkoka naswona yi fanele ku tekeriwa enhlokweni na hi ku landzleleriwa eka timhaka leti fambisanaka na mati.