Eka nongonoko wa Tiko A Xi-Etleli madyambu ya namuntlha hi nkarhi lowu President Cyril Ramapahosa a burisana na rixaka lowu tivekaka hi '2025 State Of The Nation Address (SONA), u tiyisile swintsunxo hi xiyimo xa swiphiqo swa mphakelo na nkayivelo wa mati etindzhawini ta ku hambana ta tiko ra Afrika Dzonga. U ri mfumo wu ti yimiserile ku lulamisa swiphiqo swa muxaka lowu, tani hi loko mati ya ra na nkoka ek vaaki hi ku angarhela. U ri swi twisa ku vava swinene loko vakokwana xikan'we vaaki hi ku angarhela va nonohweriwa na ku tikeriwa hi swiphiqo swa mati. U ri mati ya pfuna evuton'wini ni le ka rihanyu ra vanhu. U tlhele a boxa leswaku ku katsiwa ni le ka timhaka ta mintirho ya ku hambana leswi fambisanaka na ku tiyisisa 'economy. U tirhisile na marito ya Xi-Tsonga hi ku tiyisisa ku tekela enhlokweni vaaki ku ta na swintshunxo eka swiphiqo na mintlhontlho ya mphakelo wa mati. U ri mfumo lowu a nga wu rhangela, wu na makungu na xikongomelo xa ku korhokela vaaki hi mati tani hi loko ya ri na nkoka na ntikelo eka mani na mani.