Hi hungu leri nga katsakanyiwa hi muteki wa mahungu ya ePolokwane eka xifundzha-nkulu xa Limpopo Rendani Raliphaswa ri vikiwa eka nongonoko wa Tiko A Xi-Etleli madyambu ya namuntlha hi Euphine Mabunda, a ri tiyisisa migingiriko ya PASEKA ya 2025 etindzhawini ta Moria ehandle-nyana ka doroba ra Polokwane ekerekani ya Zion Christian Church na Saint Engenas ZCC. Hi laha ntirho wa nhlengeletano ya xikhongelo wu nga fika emakumu ndzhengha wa namuntlha kutani swirho swi tlhelela emakaya ni le tindzhawini ta ku hamban. Swiviko swi hlamusela leswaku President Cyril Ramaphosa na Limpopo Premier Dr. Phiophi Ramathuba, va tekerile enhlokweni ku ya eka ntirho wa namuntlha. Hi hala tlhelo ku boxiwile leswaku migingiriko ya kereke yi beriwa mavoko hi ku tiyisa na vupfhumba xikan'we timhaka ta mabindzu eka xfundzha-nkulu, laha leswi swi nga tiyisisiwa hi CEO wa 'Limpopo Tourism Agency' Moses Ngobeni. U ri hi matirhelo ya swirho swa kereke ya ZCC, va ba mandla na ku hoyozela eka ntirhisano na vun'we leswi tlhelaka swi tswala mihandzu leyinene.

Hi ku yisa hungu leri emahlweni na hi ku langutisa emagondzweni, muhaxi eka nongonoko Mixo Mashimbye u burisanile na muteki wa mahungu ya hina Pimani Baloyi. Hi laha Pimani Baloyi, anga boxa leswaku xiyimo xa swifambo emagondzweni a xi ya xi tlakuka. U ri swi khumbha gondzo ra R71 exikarhi ka doroba ra Polokwane na Tzaneen xikan'we tindzhawu ta ku suka ekereke ya ZCC eMoria eka xifundzha-nkulu. Baloyi u ri a ku ri hi matirhelo ya swirho swa kereke ya ZCC ku suka eka xikhongelo xa PASEKA ya 2025. U ri hambi leswi xiyenge xa vuteki bya mahungu xi nga pfumeleriwangiki ku nghena ekerekeni, ku na swiviko swa leswaku President Cyril Ramaphosa na Limpopo Premier Dr. Phophi Ramathuba a va ri xiphemu xa ntirjho wa xikhongelo nan'waka ekereke ya ZCC. Pimani Baloyi u tlele a boxa leswaku matirhelo ya vachayeri na vafambi hi milenge, ya beriwa mavoko hambi leswi ku nga va na tinghozi tin'wana. U ri leswi swi pimanyisiwa na nkarhi lowu malembe yan'wana hi nhlayo na xiyimo xa tinghozi na mafu emagondzweni.