Eka hungu leri nga katsakanyiwa hi muteki wa mahungu ya hina Baatseba Mabowa ri vikiwa eka nongonoko wa Tiko A Xi-Etleli hi Amukelo Ngobeni, hi laha holobye wa ndzawulo ya masocha ya tiko ra Afrika Dzonga (SANDF) Angie Motshekga a tiyisisa eka vaaki hi xiyimo na mintlhontlho ya vona. Holobye Angie Motshekga u ri va tirha na ku tirhisana na swiyenge swa ku hambana laha ku katsiwaka na SADC xikan'we nhlangano African Union na United Nations. U ri hi matirhelo lawa, ya famanbisna ana ku kondletela xiyimo xa ku rhula eDemocratic Republic of Congo eka tiko-nkulu ra Afrika. Hi nkarhi lowu Motshekga a nga burisna na vakhandli va nhlonge eka ntirho wa ku heketa wunw'ana wa masocha lawa ya nga dlayiwa eDRC Richard Chokoe eMoletjie ehandle-nyana ka doroba ra Polokwane eka xifundzha-nkulu xa Limpopo, u andarile vuxokoxoko hi xiyimo na makungu ya ku langutisana na masocha yan'wana lawa ya nga vavisiwa eka nyimpi na madzolonga eDRC hi ku tshunguriwa ka vona. Tani hi leswi masocha lawa ya nga dlayiwa na ku hundza emisaveni va tiko ra Afrika Dzonga va nga fikelela eka 14 ku fikela sweswi, vo tala va vona va vekiwile hi ku hela ka vhiki etindzhawini ta ku hambana laha ku katsiwaka na Calvin Louis Moagi eka Sekororo ehandle-nyana ka doroba ra Tzaneen eka xifundzha-nkulu. Holobye Motshekga u ri hambi leswi va nga langutisana na mintlhontlhlo ya timali, a yi khumbhi matirhelo ya vona eDRC. U ri va ta kombela eka holobye lesw\ku ku ngeteleriwa mpandzwa hi xikongomelo xa matirhelo na switirhisiwa swa mosocha kwala Afrika Dzonga. Holobye Motshekga u ri vaaki va tiko ra Afrika Dzonga hi maitrhelo ya masocha va hlayisekile na ku sirheleleka naswona ntirhisano na vun'we swi na nkoka na ntikelo xikan'we ku kombisa tindlela hi tirhelo ra vona.