Hi mbhurisano exikarhi ka muhaxi eka nongonoko wa Tiko A Xi-Etleli madyambu ya namuntlha hi Ernest Timbane na meyara-nkulu wa maspala wa xifundzha-ntsomngo xa Vhmebe eka xifundzha-nkulu xa Limpopo Frida Nkondo, a wu khumbha na ku fambelana swinene na '2025 Water Indaba' eMidrand eka xifundzha-nkulu xa Gauteng. Hi lha Meyara Nkondo ku nga wun'wana wa lava nga nghenela nhlengeletano ya masiku ya mbitrhi. U ri mintlhontlho yi kona etindzhawini ta maspala lowu a nga wu rhangela kambe ku fanele ku tirhiiwa hi xiviri na ku lwisana na vugevenga lebyi khumbhaka na timhaka ta mati. Nkondo u ri ku katsiwa ku tsemiwa ka tiphayiphi na bindzu ra mati hi ku onhela vanhu van'wana na tiko xikan'we maendlelo ya ku tsandzeka ku landzelela milawu ehenhla ka timhaka ta mati. Nkondo u ri masapla na tiko, swi na milawu na nkoka naswona yi fanele ku tekeriwa enhlokweni na hi ku landzleleriwa eka timhaka leti fambisanaka na mati. U ri swiyenge leswi khumbhekaka laha ku katsiwaka timaspala, swi fanele swi tirha na ku tirhisana ku ta na swintshunxo laha ku katsiwaka na ku herisa ku xavisa mati. U ri maendlelo ya ku onha etindzhawini tin'wana ta maspala, ya tlhela ya kavanyeta timfanelo ta ximunhu eka vaaki etindzhawini ta ku hambana eka xifundzha-nkulu xa Limpopo. Hambi swi ri tano, u ri va ti yimiserile ku tirha na ku tirhisana na swiyenge swin'wana laha ku katsiwaka na hi ntikelo wa voko ra nawu laha swi nga fanela leswaku va lulamisa swiphiqo hi swintshunxo swa nkoka eka vaaki hi ku angarhela hi mfanelo ya ku korhokeriwa ka vona hi mati na swin'wana.