Hi hungu leri nga katsakanyiwa hi muteki wa mahungu ya hina Karabo Kgafane ri vikiwa eka nongonoko wa Tiko A Xi-Etleli madyambu ya namuntlha hi Ntwanano Vuma, a ri tiyisisa nghozi ya ku banana/tlumbana ka movha wa xibebe na thekisi hi le mahlweni kutani mimovha yi khoma ndzilo. Nghozi yi humelerile eka gondzo ra R40 ekusuhi na Hoedspruit eka xifundzha-nkulu xa Limpopo. Hi laha vanhu va nhlayo ya kwalomu ka 13 va nga hundza emisaveni hi nkarhi lowu a va ya evhengeleni ra ku xavisavisa matsavu na mihandzu eHoedsruit. Vanhu van'wana lava nga vaviseka va tsutsumiseriwile eka swiyenge swa vutshunguri. MEC wa ndzawulo ya magondzo na ntleketlo eka xifundzha-nkulu xa Limpopo Susani Violet Mathye, u hundzisile marito ya ku chavelela na ku sula mihloti na ku navelela lava nga eku tshunguriweni ku hola. MEC Mathye u tlhele a boxa leswaku va tekela enhlokweni ntirhisano na vun'we eka ntrirho wa ku kambelaa swikambelo swa DNA, ku tiyisisa mintsumbu na maxaka ya wona. U ri vulavisisi bya vona mayelana na nghozi leyi hi ntirhisano na swiyenge swa ku hambana, byi le ku yeni emahlweni.

Hi ku yisa hungu leri emahlweni hi ku famba ka nongonoko MEC Susani Violet Mathye u burisanile na muhaxi eka nongonoko Mixo Mashimbye. MEC Mathye u ri u tshembha leswaku vhiki leri taka, ntirho wa swikambelo swa DNA wu ta fika emkumu, laha va nga ta pofunana na mfumo wa xifundzha-nkulu xa Mpumalanga hi matirhelo ya tindzawulo leti khumbhekeka. U ri leswi swi ta va swi langutisanile na makungu ya ku heleketa lava nga hi siya etindwlini ta vona ta ku hetelela. Mathye u ri va khensa nseketelo wa maxaka hi ntirhisano wa ku pfuna eka ku kambela mintsumbu leswaku yi tiveka xikan'we ku tiyisiseka eka maxaka. U ri ntirhisano na vun'we swi na nkoka hambi loko rifu ri tika na ku vavisa.