Hi hungu ra mbhurisano exikarhi ka muhaxi eka nongonoko wa Tiko A Xi-Etleli mixo wa namuntlha Clifford Maringa na wun'wana wa varhangeri va vaaki ePhalaborwa eka xifundzha-nkulu xa Limpopo Edmond Mbhense, a wu khumbha mhangu ya ndzilo e'Eden Square Mall'. Hi laha ndzilo, wu nga onha swinene mavhengele na switirhisiwa xikan'we tinhundzu tin'wana. Edmond Mbhense, u ri swiphiqo swa nkayivelo wa mati hi swin'wana swi nga va na swita-ndzhaku hi ku tsandzeka na ku timela ndzilo. U ri hi mhangu ya tolo eka miako ya 'mall', swi ta tikisela hi vusweti bya xiyimo xa nkayivelo wa mintirho eka vaaki. U ri leswi, swi va kona tani hi hi leswi vufambisi byi tsandzekaka ku va korhokela hi xiviri. Mbhense u ri eka tiawara ta siku ra namuntlha, swa fanele leswaku ku tekeriwa enhlokweni swintshunxo hi tinhlengeletano ka ku kombisana laha ku faneleke ku fambiwa hi kona. U ri ku siyerisana miehleketo hi swona swi nga ta tswala mihandzu leyinene hi swintshunxo swa ku lulamisa mfanelo ya ku klorhokela vaaki laha ku katsiwa na ku lulamisa xiyimo xa swita-ndzhaku swa ku tshwa ka 'Eden Square Mall' ePhalaborwa eka xifundzha-nkuku xa Limpopo.