Hi swisolo eka swibumabumelo swa ku tlakusiwa ka 'Value-Added Tax' (VAT) hi tirhelo ra '2025 Budget Speech', muhaxi eka nongonoko wa tiko A Xi-Etleli mixo wa namuntlha Clifford Maringa u burisanile na muhleri wa mahungu ya 'economy' wa ku tiyimela hi yexe Dr. Rivalani Hlungwani. Hi laha Dr. Hlungwani a nga boxa leswaku ku ndlandlamuxa 'economy; hi swin'wana swi nga na nkoka na ntikelo ku ta na swintshunxo eka swisolo na swivilelo leswi twalaka na ku va kona. U ri leswi swi ta filkelerisa ku tumbuluxa mintirho na ku koka rinoko eka vuvekisi leswi nga ta olovisela vaaki na tikhamphani ta ku hlaya kwala Afrika Dxonga, laha ku katsiwaka Transnet xikan'we tin'wana. U ri hi ku tlakusa 'VAT', swi ta tikisela swinene vaaki na tikhamphani naswona swa fanele leswaku swiyenge leswi tirhisanaka na holobye Enoch Godongwana xikan'we ndzawulo ya timali swi nghenelela. U ri ku katsiwa na swirho swa mfumo wa nhlanganelo wa mavandla wa 'Government Of National Unity' (GNU), leswaku va fikelela ntwanano lowu nga ta khulela tindlela ta mbulavulo wa '2025 Budget Speech'. Wu hundziseriwile emahlweni ku suka eka n'wheti nga hundza ku ya eka siku ra 12/03/2025. Dr. Hlungwani u ri ntirhisano na vun'we swi na nkoka na ntikelo ku antswisa na ku ndlandlamuxa 'economy' na ti'market' xikan'we ku koka rinoko eka vuvekisi kwala Afrika Dzonga.